TasteAtlas رەيتىنگى الەمدەگى ۇزدىك 100 شۇجىقتىڭ رەيتىنگىسىن جاريالادى. قازاقتىڭ ۇلتتىق تاعامى قازى 81-ورىندا تۇر، دەپ حابارلايدى “ادىرنا” ۇلتتىق پورتالى.
«قازى وزبەكستان مەن قىرعىزستان سياقتى ورتالىق ازيانىڭ باسقا ەلدەرىندە دە دايىندالاتىن جىلقى ەتىنەن جاسالعان قازاق شۇجىعى. ءداستۇر بويىنشا شۇجىق قابىرعادان الىنعان ەت پەن مايدان جاسالادى. ول ادەتتە ىشەككە سالىنباس بۇرىن، بۇرىش قوسىلىپ، تۇزدالادى. شۇجىقتى شيكى نەمەسە ازداپ سۇرلەنگەن كۇيىندە ساتۋعا بولادى، ونى قولدانار الدىندا ادەتتە قايناتىپ، تۋرالعان كۇيىندە بەرەدى. قازى جەكە اس رەتىندە ۇسىنىلعانىمەن، ونى ءارتۇرلى تاعامدارعا دا قوسۋعا بولادى»، - دەلىنگەن استىڭ سيپاتىندا.
TasteAtlas ازىق-تۇلىك رەيتينگتەرى TasteAtlas اۋديتورياسىنىڭ باعالاۋىنا نەگىزدەلگەن. «الەمدەگى ەڭ جاقسى 100 شۇجىق» تىزىمىنە 2024 جىلدىڭ 15 مامىرىنا دەيىن 7274 رەيتينگ تىركەلدى، ونىڭ 5465-ءى جۇيە زاڭدى دەپ تانىلدى.
ايتا كەتەيىك، TasteAtlas رەيتينگتەرىن ازىق-تۇلىك تۋرالى تۇپكىلىكتى جاھاندىق قورىتىندى رەتىندە قاراستىرۋعا بولمايدى. ولاردىڭ ماقساتى-كەرەمەت جەرگىلىكتى تاعامداردى تانىمال ەتۋ، ءداستۇرلى تاعامدارعا ماقتانىش سەزىمىن وياتۋ.
