TasteAtlas reıtingi álemdegi úzdik 100 shujyqtyń reıtingisin jarııalady. Qazaqtyń ulttyq taǵamy qazy 81-orynda tur, dep habarlaıdy “Adyrna” ulttyq portaly.
«Qazy Ózbekstan men Qyrǵyzstan sııaqty Ortalyq Azııanyń basqa elderinde de daıyndalatyn jylqy etinen jasalǵan qazaq shujyǵy. Dástúr boıynsha shujyq qabyrǵadan alynǵan et pen maıdan jasalady. Ol ádette ishekke salynbas buryn, burysh qosylyp, tuzdalady. Shujyqty shıki nemese azdap súrlengen kúıinde satýǵa bolady, ony qoldanar aldynda ádette qaınatyp, týralǵan kúıinde beredi. Qazy jeke as retinde usynylǵanymen, ony ártúrli taǵamdarǵa da qosýǵa bolady», - delingen astyń sıpatynda.
TasteAtlas azyq-túlik reıtıngteri TasteAtlas aýdıtorııasynyń baǵalaýyna negizdelgen. «Álemdegi eń jaqsy 100 shujyq» tizimine 2024 jyldyń 15 mamyryna deıin 7274 reıtıng tirkeldi, onyń 5465-i júıe zańdy dep tanyldy.
Aıta keteıik, TasteAtlas reıtıngterin azyq-túlik týraly túpkilikti jahandyq qorytyndy retinde qarastyrýǵa bolmaıdy. Olardyń maqsaty-keremet jergilikti taǵamdardy tanymal etý, dástúrli taǵamdarǵa maqtanysh sezimin oıatý.
