اعىمداعى وقۋ جىلىندا ورال قالاسى بويىنشا 11 سىنىپتى 2480 تۇلەك اياقتاعالى تۇر. ونىڭ ىشىندە 40 تۇلەك التىن بەلگىگە، 110-ى ۇزدىك اتتەستاتقا ۇمىتكەر. 9 سىنىپتى 4917 وقۋشى اياقتاسا، 223-ءى ۇزدىك اتتەستاتتان ءۇمىتتى. مەكتەپتەردە وقۋ ساباقتارى 25 مامىردا اياقتالادى. بۇل تۋرالى ورال قالالىق ءبىلىم بەرۋ ءبولىمىنىڭ باسشىسى اقجارقىن تەمىرحانوۆا مالىمدەدى.
قالانىڭ باس ۇستازىنىڭ ايتۋىنشا، وقۋ جىلىنىڭ اياعىندا قالا مەكتەپتەرىندەگى وقۋشىلار سانى 0-11 سىنىپ ارالىعىندا 64401 وقۋشىنى قۇرادى. بيىل 24 مامىر كۇنى جالپى ءبىلىم بەرەتىن مەكتەپتەر بەكىتىلگەن كەستە بويىنشا ساباقتار وتكىزەدى جانە وقۋ كۇنىن «ءبىلىمىم وتانىما» اتتى سىنىپ ساعاتىمەن اياقتايدى. تۇلەكتەر ءۇشىن سالتاناتتى شارا 25 مامىر كۇنى ۇيىمداستىرىلادى.
– 9-سىنىپ بىتىرۋشىلەر ءۇشىن قورىتىندى مەكتەپ ءبىتىرۋ ەمتيحاندارى 29 مامىر-10 ماۋسىم ارالىعىندا وتەدى، ال 11-سىنىپ بىتىرۋشىلەر ءۇشىن مەملەكەتتىك ەمتيحاندار 28 مامىر-11 ماۋسىم ارالىعىندا بولادى. جالپى ورتا ءبىلىم بەرۋ تۋرالى اتتەستاتتى 11-سىنىپ تۇلەكتەرىنە تاپسىرۋ سالتاناتى ءوز مەكتەپتەرىنىڭ قابىرعاسىندا 14-17 ماۋسىمدا وتكىزىلەدى. ۇبت تاپسىرۋعا تىلەك ءبىلدىرىپ، تىركەلىپ وتىرعان وقۋشى سانى – 2085 (84 پايىز). سونىمەن قاتار بيىل وقۋ اعارتۋ مينيسترلىگىنىڭ №96 بۇيرىعىنا سايكەس بارلىق مەكتەپتەردە 5-8, 10 سىنىپتارعا 27-31 مامىر ارالىعىندا قازاق ءتىلى پانىنەن ەمتيحان وتكىزىلەتىن بولادى. 2024 جىلعى 27 مامىر مەن 31 مامىر ارالىعىندا جانە اعىمداعى جىلعى 26-30 تامىز ارالىعىندا وقۋشىلاردىڭ ءبىلىم ساپاسىن ارتتىرۋ، ءبىلىم الۋشىلاردىڭ، سونىڭ ىشىندە ۇلگەرىمى تومەن وقۋشىلاردىڭ بىلىمىندەگى ولقىلىقتاردى تولىقتىرۋ ماقساتىندا بارلىق مەكتەپتە جازعى مەكتەپ جۇمىس ىستەيتىن بولادى. جازعى مەكتەپ كوكتەمگى سۋ تاسقىنىنان زارداپ شەككەن وڭىرلەردىڭ ءبىلىم الۋشىلارى ءۇشىن، سونداي-اق قىس مەزگىلىندە قاتتى ايازعا بايلانىستى ساباقتار توقتاتىلعان وڭىرلەردىڭ ءبىلىم الۋشىلارى ءۇشىن ۇيىمداستىرىلادى. جازعى مەكتەپتەگى ساباقتار وقۋشىلاردىڭ سۇرانىستارى مەن قاجەتتىلىكتەرىن ەسكەرە وتىرىپ، سارالانعان، جەكە تاسىلدەر نەگىزىندە ۇيىمداستىرىلادى. كليماتتىق جاعدايلاردى ەسكەرە وتىرىپ، باستاۋىش سىنىپتاردا ساباقتار 30 مينۋتتان، 5-10 سىنىپتاردا 40 مينۋتقا دەيىن وتكىزىلەدى. كۇنىنە 5 ساباقتان ارتىق ەمەس، – دەيدى اقجارقىن مۇتيعوللاقىزى.
ال وقۋ جىلىنا 1 سىنىپقا قابىلداۋ 1 ساۋىردەن باستالىپ، 31 تامىزعا دەيىن ەلەكتروندى تۇردە egov.kz پورتالى ارقىلى جۇرگىزىلۋدە. قازىرگى تاڭدا 1 سىنىپقا 3000 وقۋشى قابىلدانسا، سونىڭ 1954-ءى قازاق سىنىپتارىنا بارادى.
قازاق تىلىندە اشىلعان سىنىپتار ءۇشىن اتا-انالارعا قولداۋ كورسەتۋ ماقساتىندا ۇزارتىلعان كۇن توپتارى ۇيىمداستىرىلادى. مەكتەپكە دەيىنگى ۇيىمدارعا ورىندار بولۋدە اشىقتىق پەن ايقىندىقتى قامتاماسىز ەتۋ ماقساتىندا كەزەكتى ەسەپكە الۋدىڭ بىرىڭعاي بازاسى ازىرلەنگەن. جاڭا مودەل وتباسىلىق سۇرانىستارعا نەگىزدەلگەن ءتورت بالاباقشانى تاڭداۋعا مۇمكىندىك بەرەدى. سونىمەن قاتار بالاباقشاعا كەزەك كەلگەن ۋاقىتتا اۆتوماتتى تۇردە بەرىلەتىن بولادى. كەزەكتى ەسەپكە الۋدىڭ بىرىڭعاي بازاسى ورال قالاسىندا وسى جىلدىڭ 20 مامىرىنان باستاپ ىسكە قوسىلدى. بالاباقشاعا كەزەككە قويۋ balabaqsha.snation.kz پورتالى، egov.kz پورتالى ارقىلى جانە ەكىنشى دەڭگەيلى بانكتەردىڭ قوسىمشالارى ارقىلى جۇزەگە اسادى.
مەكتەپكە دەيىنگى ۇيىمداردا ورىنداردى ءبولۋ كەزىندە سىبايلاس جەمقورلىق قۇرامداس بولىكتەرىن جويۋ ماقساتىندا كەزەكتىلىكتى ەسەپكە الۋدىڭ بىرىڭعاي بازاسى ازىرلەندى. جاڭا مودەل اتا-انالاردىڭ سۇرانىستارىنا نەگىزدەلگەن ءتورت بالاباقشانى تاڭداۋعا مۇمكىندىك بەرەدى. مەكتەپكە دەيىنگى ۇيىمدارعا ورىن كەزەك كەلگەندە اۆتوماتتى تۇردە بەرىلەدى. ورال قالاسىندا كەزەكتىڭ بىرىڭعاي بازاسى 2024 جىلعى 20 مامىردان باستالادى. مەكتەپكە دەيىنگى ۇيىمدارعا كەزەككە قويۋ پورتالداردا balabaqsha.snation.kz, egov.kz جانە ەكىنشى دەڭگەيدەگى بانكتەردىڭ قوسىمشالارىندا جۇزەگە اسىرىلادى.
بىلىم الۋشىلاردىڭ جازعى دەمالىسى 2024-2026 جىلدارداعى جازعى كانيكۋل كەزەڭىندە بالالاردىڭ ساۋىقتىرۋ دەمالىسىن، بوس ۋاقىتىن جانە جۇمىسپەن قامتىلۋىن ۇيىمداستىرۋ جونىندەگى قازاقستان رەسپۋبليكاسى ءبىلىم مينيسترلىگىنىڭ ءىس-شارالار جوسپارىنا سايكەس ۇيىمداستىرىلاتىن بولادى.
– ءبىلىم بەرۋ بولىمىنە قاراستى «اتامەكەن» قالالىق بالالار-جاسوسپىرىمدەر ءتۋريزمى جانە ەكولوگيا ورتالىعىندا ءۇش ايدا 3430 وقۋشى دەمالادى دەپ جوسپارلاندى. ونىڭ ىشىندە الەۋمەتتىك جاعىنان از قورعالعان، جەتىم، اتا-اناسىنىڭ قامقورلىعىنسىز قالعان 400 بالا بار. «اتامەكەن» لاگەرىندە تۋريستىك-ولكەتانۋ جانە اسكەري-پاتريوتتىق باعىتتار بويىنشا بالالاردىڭ دەمالىسى ۇيىمداستىرىلادى.
230 دارىندى وقۋشى 50 پايىز جەڭىلدىكپەن دەمالادى، – دەيدى بۇل تۋراسىندا اقجارقىن تەمىرحانوۆا.
قالانىڭ 47 مەكتەبىندەگى تاماقتانۋى ۇيىمداستىرىلعان لاگەردە 6500 بالا، 50 مەكتەپتەگى جانە 2 قوسىمشا ءبىلىم بەرۋ ۇيىمىنداعى (مەكتەپتەن تىس جۇمىس ورتالىعى، وقۋشىلار سارايى) تاماقتانۋ ۇيىمداستىرىلماعان لاگەردە 45 050 بالا دەمالىسىن وتكىزەدى دەپ كۇتىلۋدە. سونىمەن قاتار بوروۆوە كۋرورتتىق اۋماعىنداعى لاگەرلەردە جەكەلەگەن ساناتتاعى وتباسىلاردان 150 بالانىڭ دەمالىسى جانە ءار مەكتەپتەن قامتىلاتىن استانا قالاسىنا وسى ساناتتاعى 50, شىمكەنت قالاسىنا 50, تۇركىستان قالاسىنا 50 وقۋشىنىڭ ەكسكۋرسياسى قاراستىرىلعان. ال سۋ تاسقىنى كەزىندە ەۆاكوپۋنكتتە بولعان 540 وقۋشى ءۇشىن ۆەتەلكي اۋىلىنداعى №29 مەكتەبىنىڭ بازاسىندا ەتنولاگەر ۇيىمداستىرىلماق. بۇل ماقساتقا بيۋجدجەتتەن 37 684 مىڭ تەڭگە باعىتتالعان.
