تۇركيا پرەزيدەنتى 1997 جىلى باس بوستاندىعىنان ايىرىلعان جەتى ادامعا راقىمشىدىق جاسادى، دەپ حابارلايدى "ادىرنا" ۇلتتىق پورتالى انادولىعا سىلتەپ.
1997 جىلى 28 اقپاندا تۇرىك قارۋلى كۇشتەرىنىڭ قولباسشىلىعى ارنايى مەموراندۋم شىعارعان بولاتىن. وندا يسلامشىل ءال-اۋقات پارتياسىنىڭ جەتەكشىسى نەجمەتتين ەرباكان باسقارعان مينيسترلەر كابينەتىنىڭ وتستاۆكاعا كەتۋى تالاپ ەتىلدى. تۇركيانىڭ جاڭا تاريحىندا بۇل وقيعالار «28 اقپان پروتسەسى» جانە «پوستمودەرندىك رەۆوليۋتسيا» رەتىندە قاراستىرىلدى. تۇركيا پرەزيدەنتى رەجەپ تايىپ ەردوعان جاسى ۇلعايعانىنا جانە سوزىلمالى اۋرۋلارىنا بايلانىستى «28 اقپانداعى ءىس» بويىنشا سوتتالعان 14 ادامنىڭ قالعان جازالارىن الىپ تاستاۋ تۋرالى جارلىققا قول قويدى.
سونداي-اق، ءساتسىز اسكەري توڭكەرىسكە بايلانىستى 2018 جىلدان بەرى ءومىر بويىنا باس بوستاندىعىنان ايىرىلعان جەتى گەنەرالعا راقىمشىلىق جاسادى.
وسىلايشا، بۇرىنعى گەنەرالدار چەۆيك بير، چەتين دوعان، فەۆزي تۇركەري، وتستاۆكاداعى گەنەرال-لەيتەنانت يىلدىرىم تۇركەر، وتستاۆكاداعى ۆيتسە-ادميرال ايدان ەرول، وتستاۆكاداعى گەنەرال-مايور ەرول وزكاسناك جانە دجەۆات تەمەل وزكايناقتاردىڭ ۇكىمدەرى جويىلدى. سونىمەن قاتار، ءدال وسىنداي سەبەپتەرمەن سوتتالعان قاجى سيۋلۋك، الي ەفتەراسلان، اۆني يىلماز، سەۆدا يۋكسەل، گۇلبەي سارىوگلۋ، سۇلەيمان تۋنا، ابدۋلحەكيم يىلمازعا راقىمشىلىق جاسالدى.
