ماڭعىستاۋ اكىمدىگىنىڭ الدىندا ايەل مۇگەدەك بالاسىمەن بىرگە تۇنەپ ءجۇر. بۇل تۋرالى Inaktau.kz سايتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سۇيەنسەك، قالا تۇرعىنى مۇناي-گاز كومپانياسىنان جۇمىستان شىعىپ قالعان ۇلىن قايتا جۇمىسقا تۇرعىزقىسى كەلەدى ەكەن. ول اكىمدىك عيماراتىنىڭ الدىنا شاتىر تىگىپ، ءوزىنىڭ باسقا جارىمجان بالاسىمەن تاۋلىك بويى كەتپەي تۇرعان.
«بۇل ازامات ا. جابباسوۆا بۇرىن جۇمىستان بوساتىلعان ۇلىن مۇناي-گاز كومپانياسىنا قايتادان جۇمىسقا قويعىسى كەلەدى. وعان بىرنەشە رەت تۇسىندىردىك، اڭگىمەلەستىك. الايدا ازامات بىزبەن كەلىسپەدى. ول وبلىستىق اكىمدىك الدىندا رۇقسات ەتىلمەگەن نارازىلىق اكتسيالارىن وتكىزۋدى جالعاستىرىپ جاتىر»، - دەيدى وڭىرلىك ىشكى ساياسات باسقارماسىنىڭ باسشىسى باتىرحان قۋانىشبەكوۆ.
