Mańǵystaý ákimdiginiń aldynda áıel múgedek balasymen birge túnep júr. Bul týraly Inaktau.kz saıty jarııalady, dep habarlaıdy “Adyrna” ulttyq portaly.
Aqparatqa súıensek, qala turǵyny munaı-gaz kompanııasynan jumystan shyǵyp qalǵan ulyn qaıta jumysqa turǵyzqysy keledi eken. Ol ákimdik ǵımaratynyń aldyna shatyr tigip, óziniń basqa jarymjan balasymen táýlik boıy ketpeı turǵan.
«Bul azamat A. Jabbasova buryn jumystan bosatylǵan ulyn munaı-gaz kompanııasyna qaıtadan jumysqa qoıǵysy keledi. Oǵan birneshe ret túsindirdik, áńgimelestik. Alaıda azamat bizben kelispedi. Ol oblystyq ákimdik aldynda ruqsat etilmegen narazylyq akııalaryn ótkizýdi jalǵastyryp jatyr», - deıdi óńirlik ishki saıasat basqarmasynyń basshysy Batyrhan Qýanyshbekov.
