توقاەۆقا قالاي حات جازۋعا بولادى؟!

2215

قازاقستان پرەزيدەنتىنىڭ ۆيرتۋالدى قابىلداۋى اشىلدى. مەملەكەت باسشىسى Instagram جەلىسىندەگى پاراقشاسىندا بۇل قىزمەتتىڭ www.akorda.kz سايتىندا ەكەنىن ايتتى، - دەپ حابارلايدى Tengrinews.kz ءتىلشىسى.

"قۇرمەتتى وقىرماندارىم!

مەنىڭ پاراقشاما مىڭداعان وقىرمان پىكىرلەرىن جازىپ، ساۋالدارىن جولداپ جاتادى. ولاردىڭ ىشىندە جۇيەلى تۇردە جۇمىس ىستەۋدى قاجەت ەتەتىن كۇردەلى ماسەلەلەر دە بار. اركىم ءوز سۇراعىنا جاۋاپ الىپ، پىكىرىنىڭ ەسكەرىلگەنىن قالايدى. الايدا، بارلىق وتىنىشتەرگە وسى پاراقشا ارقىلى جاۋاپ بەرۋ مۇمكىن ەمەس ەكەنىن وزدەرىڭىز دە جاقسى تۇسىنەسىزدەر. قوعاممەن پىكىر الماسۋدى جولعا قويۋ، ءاربىر ازاماتتىڭ سۇراۋىن قاناعاتتاندىرۋ، مۇقتاج جاندارعا دەر كەزىندە كومەك كورسەتۋ ماقساتىندا www.akorda.kz سايتىندا مەنىڭ ۆيرتۋالدى قابىلداۋىم اشىلدى. قازىردىڭ وزىندە ۆيرتۋالدى قابىلداۋعا كوپتەگەن حاتتار كەلىپ تۇسۋدە. رەسپۋبليكا ازاماتتارىنىڭ جەكە نەمەسە قوعامدىق سيپاتتاعى ءتۇرلى ماسەلەلەرى بويىنشا وتىنىشتەرى قارالادى. ءار حات رەسمي تىركەلەدى، ونى ءوزىم دە قارايمىن جانە اكىمشىلىك قىزمەتكەرلەرى دە قاراستىرادى. بۇل - ەلىمىزدىڭ ءاربىر ازاماتى رەسمي تۇردە سۇراۋ سالۋعا مۇمكىندىك بەرەتىن، زاڭدى كۇشى بار ۆيرتۋالدى قابىلداۋ", - دەپ جازدى پرەزيدەنت.

https://www.instagram.com/p/Bz-vaBvBp1N/

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket