Toqaevqa qalaı hat jazýǵa bolady?!

2287

Qazaqstan Prezıdentiniń Vırtýaldy qabyldaýy ashyldy. Memleket basshysy Instagram jelisindegi paraqshasynda bul qyzmettiń www.akorda.kz saıtynda ekenin aıtty, - dep habarlaıdy Tengrinews.kz tilshisi.

"Qurmetti oqyrmandarym!

Meniń paraqshama myńdaǵan oqyrman pikirlerin jazyp, saýaldaryn joldap jatady. Olardyń ishinde júıeli túrde jumys isteýdi qajet etetin kúrdeli máseleler de bar. Árkim óz suraǵyna jaýap alyp, pikiriniń eskerilgenin qalaıdy. Alaıda, barlyq ótinishterge osy paraqsha arqyly jaýap berý múmkin emes ekenin ózderińiz de jaqsy túsinesizder. Qoǵammen pikir almasýdy jolǵa qoıý, árbir azamattyń suraýyn qanaǵattandyrý, muqtaj jandarǵa der kezinde kómek kórsetý maqsatynda www.akorda.kz saıtynda meniń Vırtýaldy qabyldaýym ashyldy. Qazirdiń ózinde Vırtýaldy qabyldaýǵa kóptegen hattar kelip túsýde. Respýblıka azamattarynyń jeke nemese qoǵamdyq sıpattaǵy túrli máseleleri boıynsha ótinishteri qaralady. Ár hat resmı tirkeledi, ony ózim de qaraımyn jáne Ákimshilik qyzmetkerleri de qarastyrady. Bul - elimizdiń árbir azamaty resmı túrde suraý salýǵa múmkindik beretin, zańdy kúshi bar vırtýaldy qabyldaý", - dep jazdy Prezıdent.

https://www.instagram.com/p/Bz-vaBvBp1N/

 

"Adyrna" ulttyq portaly

Pikirler
Redakııa tańdaýy