Qazaqstan Prezidentınıŋ Virtualdy qabyldauy aşyldy. Memleket basşysy Instagram jelısındegı paraqşasynda būl qyzmettıŋ www.akorda.kz saitynda ekenın aitty, - dep habarlaidy Tengrinews.kz tılşısı.
"Qūrmettı oqyrmandarym!
Menıŋ paraqşama myŋdaǧan oqyrman pıkırlerın jazyp, saualdaryn joldap jatady. Olardyŋ ışınde jüielı türde jūmys ısteudı qajet etetın kürdelı mäseleler de bar. Ärkım öz sūraǧyna jauap alyp, pıkırınıŋ eskerılgenın qalaidy. Alaida, barlyq ötınışterge osy paraqşa arqyly jauap beru mümkın emes ekenın özderıŋız de jaqsy tüsınesızder. Qoǧammen pıkır almasudy jolǧa qoiu, ärbır azamattyŋ sūrauyn qanaǧattandyru, mūqtaj jandarǧa der kezınde kömek körsetu maqsatynda www.akorda.kz saitynda menıŋ Virtualdy qabyldauym aşyldy. Qazırdıŋ özınde Virtualdy qabyldauǧa köptegen hattar kelıp tüsude. Respublika azamattarynyŋ jeke nemese qoǧamdyq sipattaǧy türlı mäselelerı boiynşa ötınışterı qaralady. Är hat resmi tırkeledı, ony özım de qaraimyn jäne Äkımşılık qyzmetkerlerı de qarastyrady. Būl - elımızdıŋ ärbır azamaty resmi türde sūrau saluǧa mümkındık beretın, zaŋdy küşı bar virtualdy qabyldau", - dep jazdy Prezident.
https://www.instagram.com/p/Bz-vaBvBp1N/
"Adyrna" ūlttyq portaly
