ەنەرگەتيكا مينيسترلىگى جاڭاوزەندەگى مۇنايشىلاردىڭ ەرەۋىلىنە قاتىستى ساۋالعا جاۋاپ بەرە المادى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
ەنەرگەتيكا مينيسترلىگى قازتاگ رەداكتسياسىنىڭ "كەزبي" مەكەمە قىزمەتكەرلەرىنىڭ ەرەۋىلىنە قاتىستى ساۋالىنا «بىزدە جاۋاپ جوق» دەپ جاۋاپ بەردى.
ەنەرگەتيكا ءمينيسترىنىڭ كەڭەسشىسى شىڭعىس ءىلياسوۆ ساۋالىنا جاۋاپ العىسى كەلگەن ءجۋرناليستى «قازمۇنايگاز» ۇك» اق ءباسپاسوز قىزمەتىنە "سىلتەمەك" بولعان. الايدا باق وكىلى مۇناي سالاسىنا جاۋاپتى ورگان رەتىندە ەنەرگەتيكا مينيسترلىگىنە جۇگىنگەن. الايدا مينيسترلىكتىڭ ءباسپاسوز قىزمەتىنەن "بىزدە جاۋاپ جوق" دەگەن كەرى بايلانىس العان.
ايتا كەتەيىك، بىرەر اي بۇرىن الەۋمەتتىك جەلىدە جاڭاوزەندەگى «كەزبي» جشس جۇمىسشىلارى كومپانيا مەن «قازمۇنايگاز» باسشىلىعىنان ەسكىرگەن جانە ومىرگە قاۋىپ توندىرەتىن جابدىقتاردى اۋىستىرۋدى تالاپ ەتىپ نارازىلىققا شىققانى تۋرالى حابار تاراعان بولاتىن.
