قازاقستان ۇلتتىق وليمپيادا كوميتەتىنىڭ باسشىسى وزبەكستان ۇلتتىق وليمپيادا كوميتەتىنىڭ باسشىلىعىمەن كەزدەستى، دەپ حابارلايدى "ادىرنا" ۇلتتىق پورتالى Olympic.kz باسىلىمىنا سىلتەمە جاساپ.
ۇلتتىق وليمپيادا كوميتەتىنىڭ باسشىسى گەننادي گولوۆكين وزبەكستان ۇوك باس حاتشىسى ويبەك قاسىموۆپەن كەزدەستى.
"تاراپتار باۋىرلاس ەلدەردەگى سپورتتى دامىتۋدىڭ ماقساتى مەن ەرەكشەلىكتەرى ورتاق ەكەنىن اتاپ ءوتتى. بۇل باعىتتاعى بىرلەسكەن جۇمىس تۇتاستاي قۇرمەت پەن دوستىق نەگىزگە قۇرىلعان", - دەلىنگەن حابارلامادا.
وتابەك وماروۆ گەننادي گولوۆكيندى قازاقستان ۇوك باسشىسى قىزمەتىنە تاعايىندالۋىمەن قۇتتىقتاپ، ايماقتاعى كەز كەلگەن باستاماعا قولداۋ كورسەتەتىنىن ايتتى. كەزدەسۋ بارىسىندا سپورت سالاسىن دامىتۋدىڭ الداعى جوسپارلارى مەن ەكى ەل ۇوك اراسىنداعى ىنتىماقتاستىق ماسەلەسى دە تالقىلاندى. سونداي-اق تاراپتار ەكى ەلدىڭ سپورت سالاسىنداعى ىنتىماقتاستىعى جاساندى باسەكەلەستىك نەگىزىندە ەمەس، ءوزارا قولداۋ نەگىزىندە قۇرىلۋى كەرەك دەگەن ورتاق شەشىمگە كەلدى. ەكى ەلدىڭ ۇوك باسشىلارى سپورتتى دامىتۋعا، جوعارى ناتيجەلەردى باعىندىرۋعا ورتاق كۇش باعىتتاۋ قاجەتتىگىن ايتتى.
