وزبەكستان پرەزيدەنتى شاۆكات ميرزيوەۆ كاسىپكەرلەرگە سالىقتىق امنيستيا جاريالادى. بۇل تۋرالى مەملەكەت باسشىسى 20 تامىزدا بيزنەس وكىلدەرىمەن وتكەن كەزدەسۋدە ايتتى، دەپ حابارلايدى «ادىرنا» ءتىلشىسى Gazeta.uz-گە سىلتەمە جاساپ.
ول تەكسەرىستەر كەزىندە 20 مىڭ كاسىپكەردە جالپى سوماسى 16 ترلن سومدى (شامامەن $1,28 ملرد) قۇرايتىن قاتەلەر انىقتالعانىن مالىمدەدى. ايتۋىنشا، بۇل ولاردىڭ كاسىپكەرلىك تۇراقتىلىق رەيتينگىندەگى ورنىنا اسەر ەتكەن.
«بۇگىن ءبىز وزىندىك ءبىر «امنيستيانى»جاريالايمىز. تەكسەرۋلەر بويىنشا ايىپپۇلدار قولدانىلمايدى. ونىڭ ورنىنا 1 قاراشاعا دەيىن بيزنەسكە بارلىق قاتەلىك پەن كەمشىلىكتەردى ەرىكتى تۇردە تۇزەتۋ مۇمكىندىگى بەرىلەدى. ءبىر سوزبەن ايتقاندا، 1 قاراشادان باستاپ كاسىپكەرلەر رەيتينگى «تازا پاراقتان» باستالادى»، – دەپ ءتۇسىندىردى پرەزيدەنت.
بۇدان بولەك، ميرزيوەۆ پايدا سالىعى بويىنشا اۆانستىق تولەمدەر شەگىنىڭ كوتەرىلەتىنىن حابارلادى. ەندى بۇل تالاپ جىلدىق اينالىمى 20 ملرد سومنان اساتىن كومپانيالارعا عانا قولدانىلاتىن بولادى. بيلىك ەسەبى بويىنشا، شامامەن 14 مىڭ كاسىپورىننىڭ قولىندا قوسىمشا 1 ترلن سومعا جۋىق اينالىم قاراجاتى قالادى.
