قازاقستاننىڭ ءباا-دەگى ەلشىلىگىنىڭ بۇرىنعى كەڭەسشىسىنەن قورلىق كوردىم دەپ ارىزدانعان كارينا ماماش جاعدايىن اشىپ ايتتى، دەپ حابارلايدى "ادىرنا" ۇلتتىق پورتالى.
ەكس-كەڭەسشىنىڭ ايەلى كارينا ماماشتى الەۋمەتتىك جەلى قولدانۋشىلارى "ەكىنشى سالتانات" دەپ اتاعان. ايەل ادام Nukte YouTube-ارناسىنا بەرگەن سۇحباتىندا ماسەلەنىڭ ءمان-جايىن ايتتى.
ء"ۇمىتتى اقتاماعانىمدى تۇسىنەمىن، سەبەبى ەلدىڭ ءيميدجى ءۇشىن اتقارىلعان كوپ جىلعى جۇمىستىڭ كۇل-تالقانى شىقتى. ەگەر ماعان قاتىستى قايعىلى جاعداي بولسا، كەلەڭسىز وقيعا دەپ جىلى جاۋىپ قويا سالۋشى ەدى", — دەدى كارينا ماماش.
ديپلوماتتىڭ ايەلى كۇيەۋىنىڭ وزىمەن تاتۋلاسقىسى كەلگەنىن دە ايتتى.
"تۇسىنەسىز بە، ول تاتۋلاسقىسى كەلدى. سەبەبى ول جۇمىسىنان، مارتەبەسىنەن ايىرىلىپ قالۋدان قورىقتى، سونى تۇسىنگەندە بارىپ كەشىرىم سۇراي باستادى. ايتپەسە 10 جىل بويى ۇرىپ-سوعىپ كەلگەندە ءبىر دە ءبىر رەت كەشىرىم سۇراعان ەمەس. سەبەبى ول بارىنە ءوزىم كىنالى سەكىلدى ەتىپ كورسەتەتىن", — دەدى ول.
