Qazaqstannyń BAÁ-degi elshiliginiń burynǵy keńesshisinen qorlyq kórdim dep aryzdanǵan Karına Mamash jaǵdaıyn ashyp aıtty, dep habarlaıdy "Adyrna" ulttyq portaly.
Eks-keńesshiniń áıeli Karına Mamashty áleýmettik jeli qoldanýshylary "ekinshi Saltanat" dep ataǵan. Áıel adam Nukte YouTube-arnasyna bergen suhbatynda máseleniń mán-jaıyn aıtty.
"Úmitti aqtamaǵanymdy túsinemin, sebebi eldiń ımıdji úshin atqarylǵan kóp jylǵy jumystyń kúl-talqany shyqty. Eger maǵan qatysty qaıǵyly jaǵdaı bolsa, keleńsiz oqıǵa dep jyly jaýyp qoıa salýshy edi", — dedi Karına Mamash.
Dıplomattyń áıeli kúıeýiniń ózimen tatýlasqysy kelgenin de aıtty.
"Túsinesiz be, ol tatýlasqysy keldi. Sebebi ol jumysynan, mártebesinen aıyrylyp qalýdan qoryqty, sony túsingende baryp keshirim suraı bastady. Áıtpese 10 jyl boıy uryp-soǵyp kelgende bir de bir ret keshirim suraǵan emes. Sebebi ol bárine ózim kináli sekildi etip kórsetetin", — dedi ol.
