قازاقستان پارلامەنتىنىڭ جوعارعى پالاتاسى – سەنات تاۋەلسىز مەملەكەتتەر دوستاستىعىنا (تمد) مۇشە مەملەكەتتەردىڭ ۇكىمەتتەرى اراسىنداعى ەلدەگى سالىق ساياساتىنىڭ قاعيداتتارى تۋرالى كەلىسىمنىڭ قولدانىلۋىن توقتاتاتىن زاڭ قابىلدادى. بۇل تۋرالى قر پارلامەنتىنىڭ سايتىندا جاريالادى، دەپ حابارلايدى “ادىرنا” ۇلتتىق پورتالى.
اتالعان كەلىسىمگە 1992 جىلى تاۋەلسىز پوستكەڭەستىك مەملەكەتتەردىڭ قۇرىلۋى كەزىندە قول قويىلعانى اتاپ ءوتىلدى. ونىڭ ماقساتى سالىق سالۋ ەرەجەلەرىن بىرىزدەندىرۋ نەگىزىندە كەلىسىلگەن سالىق ساياساتىن جۇرگىزۋ بولدى. قازاقستاندىق سەناتورلاردىڭ پىكىرىنشە، 2022 جىلى قۇجات وزەكتىلىگىن جوعالتقان.
سالىق ساياساتىنىڭ كەلىسىلگەن قاعيداتتارى تۋرالى تمد كەلىسىمى نەگىزگى سالىقتاردىڭ بىرىڭعاي ءتىزىمىن قولدانۋ تۋرالى كەلىسىمدى قامتىدى. سونىمەن قاتار، قوسارلانعان سالىق سالۋدى بولدىرماي، كسرو-نىڭ شەت مەملەكەتتەرمەن بۇرىن جاساعان كەلىسىمدەرىن ساقتاۋ ماسەلەسىن شەشۋگە كومەكتەستى.
بۇعان دەيىن قازاقستان جەڭىس شەرۋىن وتكىزۋدەن باس تارتقان بولاتىن.
«ادىرنا» ۇلتتىق پورتالى
