رەسپۋبليكالىق «تازا قازاقستان» ەكولوگيالىق اكتسياسىنىڭ «ءمولدىر بۇلاق» اپتالىعىنا جەتىسۋ وبلىسىنىڭ ءار ەلدىمەكەن تۇرعىندارى اتسالىسۋدا.
«ءمولدىر بۇلاق» – وزەن، كولدەر ماڭىنا تازالىق جۇمىستارىن جۇرگىزىپ، جاعاجايلاردى قوقىستان تازارتۋعا باعىتتالعان ەكولوگيالىق اكتسيالاردان تۇرادى. جالپى وبلىس بويىنشا اتالعان كۇندەرى 20 مىڭعا جۋىق ادامنىڭ قاتىسۋىمەن، 50 ەكولوگيالىق شارا جوسپارلانىپ، ۇيىمداستىرىلۋدا. اۋىل-ايماق ءوز اۋماعىنداعى وزەندەر ماڭىنا سەنبىلىك جۇمىستارىن جۇرگىزىپ، بۇلاق كوزدەرىن اشتى. قالا اۋماعىنداعى ارىق جۇيەلەرىن تازارتىپ، وزەن سۋلارىنىڭ ارناسى اشىلدى.
بۇگىن جەتىسۋ وبلىسى بويىنشا «بۇلاق كورسەڭ، كوزىن اش»، «تازا وزەن»، «تازالىق وزىمىزدەن باستالادى» سىندى بىرقاتار ەكولوگيالىق اكتسيالار ۇيىمداستىرىلدى. شاراعا 1985 ادام (ەرىكتىلەر، ەكو-بەلسەندىلەر، تۇرعىندار) قاتىستى. 13 ارنايى تەحنيكا جۇمىلدىرىلىپ، 31 توننا قوقىس شىعارىلدى. ءبىر كۇندە وبلىس اۋماعىنداعى 19 وزەننىڭ (كوكسۋ، قورا، شاجا، بىجى، قارسۋ، قاراتال، ت.ب.) اينالاسىنا سەنبىلىك جۇمىستارى جاسالىپ، ارنالارى تازارتىلدى.
