مەملەكەت باسشىسىنىڭ تاپسىرماسى بويىنشا ەلدى مەكەندەردىڭ اۋماقتارىن اباتتاندىرۋ جانە كوگالداندىرۋ تۋرالى «تازا قازاقستان» اكتسياسى اياسىندا الماتى قالاسىنىڭ اكىمدىگى 2024 جىلعى 8 ءساۋىر مەن 8 مامىر ارالىعىندا «الماتى — ءبىزدىڭ ورتاق ءۇيىمىز» ناۋقانىن ىسكە اسىردى. ناۋقاننىڭ نەگىزگى ماقساتى - قالالىق ينفراقۇرىلىمعا ۇقىپتى قاراۋ قۇندىلىقتارىن قالىپتاستىرۋ، حالىق اراسىندا جوعارى ازاماتتىق جاۋاپكەرشىلىك پەن ەكولوگيالىق مادەنيەتتى تاربيەلەۋ.
«الماتى – ءبىزدىڭ ورتاق ءۇيىمىز» ناۋقانى 8 ءساۋىر مەن 8 مامىر ارالىعىندا ءوتتى جانە 4 تاقىرىپتىق اپتاعا ءبولىندى:
1) «ءبىزدىڭ قالا – ءبىزدىڭ كوشەلەر» (8-14 ءساۋىر) – قالالىق ينفراقۇرىلىمدى رەتكە كەلتىرۋ اپتالىعى. 1 760 ايالداما كەشەنىن جۋ جۇرگىزىلدى، 15 610 ورىندىق پەن 25 136 كوشە ۋرناسى سىرلاندى، 1 485 كونتەينەر الاڭىن دەزينفەكتسيالاۋ جانە جۋ، 480 باعدارشام وبەكتىسىن سىرلاندى جانە 10 197 جول بەلگىلەرى كوتەرگىشتەرى جۋىلدى.
2) «ءبىزدىڭ قالا – ءبىزدىڭ اۋلا، ءبىزدىڭ ءۇي» (15-21 ءساۋىر) - اۋلالاردى، ويىن الاڭدارىن تازارتۋ اپتالىعى. جەرگىلىكتى قوعامداستىقتارمەن (پيك، وسي) بىرلەسىپ 5 567 اۋلا اۋماعىن تازالاۋ جۇرگىزىلدى. قاتتى تۇرمىستىق قالدىقتار پوليگوندارىنا 73 188 تەكشە مەتر قوقىس شىعارىلدى.
3) «ءبىزدىڭ قالا - ءبىزدىڭ تاۋلار، وزەندەر مەن كولدەر» (22-28 ءساۋىر) - سۋ ايدىندارى مەن وزەندەردىڭ، ساياباقتاردىڭ، سكۆەرلەر مەن تاۋ بوكتەرىنىڭ جاعالاۋلارىن تازارتۋ اپتالىعى. كوممۋنالدىق قىزمەت قىزمەتكەرلەرىنىڭ، ەكوبەلسەندىلەردىڭ، ەرىكتىلەر مەن قوعام بەلسەندىلەرىنىڭ قاتىسۋىمەن ەسەنتاي، كىشى جانە ۇلكەن الماتى، قارعالى، بورالداي، اقساي، جاربۇلاق، تۇيىقساي، قاراسۋ، ەرەمەنساي، تاستىبۇلاق وزەندەرىنىڭ، كەرەڭ قۇلاق، بەكەنباي، ابىلعازى، بوتبايساي، شىبىنساي، تەرىسبۇلاق، بەدەلباي وزەندەرىنىڭ، سايران جانە اۋەجاي كولدەرىنىڭ، ۇاك، م2 جانە م1 كانالدارىنىڭ جاعالاۋلارى تازارتىلدى. وسىنداي جۇمىس قالانىڭ 445 ساياباعى مەن سكۆەرىندە جۇرگىزىلدى. تاقىرىپتىق اپتا ىشىندە تازارتۋ جۇمىستارىنا 2 680 ادام قاتىستى، 408 بىرلىك ارنايى تەحنيكا جۇمىلدىرىلدى، 20 120 تەكشە مەتر قوقىس شىعارىلدى.
4) «ءبىزدىڭ قالامىز – ءبىزدىڭ ماقتانىشىمىز» (29 ءساۋىر – 8 مامىر) - ەسكەرتكىشتەر مەن مادەنيەت نىساندارىن تازارتۋ اپتالىعى. تاريحي-مادەني مۇرا وبەكتىلەرىنىڭ اۋماقتارىن كەشەندى جيناۋ جۇرگىزىلدى. 57 ەسكەرتكىش پەن ءمۇسىن (تاۋەلسىزدىك مونۋمەنتى، «تاعزىم» مەموريالى، ش.ءۋاليحانوۆ، ن. تىلەنديەۆ، ج. جاباەۆ، م. اۋەزوۆ، ى.التىنسارين، و. جاندوسوۆ، ق. ساتباەۆ جانە ت. ب.) جۋىلدى جانە رەتكە كەلتىرىلدى.
«الماتى – ءبىزدىڭ ورتاق ءۇيىمىز» ناۋقانى باستالعاننان بەرى 30 مىڭنان استام قاتتى اعاش جانە 5 مىڭ بۇتا وتىرعىزىلدى، ونىڭ ىشىندە «جاسىل اۋلا» اكتسياسى اياسىندا الماتىلىقتارعا 3 مىڭ اعاش كوشەتى، ال «الماتى – باق قالا» جالپىقالالىق اكتسياسى بارىسىندا قالا تۇرعىندارىنا 8 مىڭنان استام كوشەت تاراتىلدى. جولداردى رەتكە كەلتىرۋ ماقساتىندا قالانىڭ كوشە-جول جەلىسىنىڭ ماگيسترالدىق كوشەلەرىندە اعىمداعى (شۇڭقىرلى) جوندەۋ جۇمىستارى جۇرگىزىلۋدە. بۇگىنگى تاڭدا 41 مىڭ شارشى مەتر اسفالتبەتون جابىنى جوندەلدى.
