زەرەندى اۋدانىنداعى «امانات» پارتياسىنىڭ دەپۋتاتى يت قاقتى دەپ ايىپتالۋدا، دەپ حابارلايدى "ادىرنا" ۇلتتىق پورتالى.
«اتالعان فاكتى بويىنشا تەكسەرۋ جۇرگىزىلۋدە»، - دەپ جاۋاپ بەردى اقمولا وبلىستىق ءىىد ءباسپاسوز قىزمەتى.
«بۇگىن تاڭەرتەڭ، جۇمىس كۇنى باستالماي تۇرىپ، قايرات دوسىمۇلى اۋعاليەۆ كولىك تۇراعىندا جاتقان ءيتتى ءمىز قاقپاي باسىپ ءوتىپ، ونىڭ ۇستىنەن تاپتاعان. ارىپتەستەرىنىڭ كوزىنشە ول كولىكتى تۇراققا قويىپ، ءتۇسىپ، «جۇمىسىنا» كەتتى»، - دەدى وقيعا كۋاگەرى جەرگىلىكتى جۋرناليستەرگە Sinegor Instagram پاراقشاسىندا.
زەرەندى اۋدانى تۇرعىندارىنىڭ ايتۋىنشا، وقيعا 3 مامىردا بولعان.
«ول ءتىپتى ءيتتىڭ جانىنا بارمادى، تۇك جاناشىرلىق تانىتپادى. ءبىز بۇل ءيتتىڭ سۋىقتا ولۋىنە جول بەرمەي، قىس بويى تاماقتاندىردىق. مەنىڭ ءبىر ارىپتەسىم قاتتى اشۋلاندى، بۇل قالاي بولعانى سوندا؟ بۇل بارىپ تۇرعان قورلىق كورسەتۋ. ەكونوميكا ءبولىمىنىڭ جىگىتتەرى جۇگىرىپ بارىپ، وعان كومەكتەسكىسى كەلدى، بىراق ءبارى كەش بولىپ شىقتى. ول كولىك تۇراعىندا ءولىپ قالدى. سوسىن امالسىز ونى كولىكتەرىنە تيەپ، جەرلەۋگە الىپ كەتتى»، - دەدى وقيعا كۋاگەرى.
