Zerendi aýdanyndaǵy «Amanat» partııasynyń depýtaty ıt qaqty dep aıyptalýda, dep habarlaıdy "Adyrna" ulttyq portaly.
«Atalǵan fakti boıynsha tekserý júrgizilýde», - dep jaýap berdi Aqmola oblystyq IID baspasóz qyzmeti.
«Búgin tańerteń, jumys kúni bastalmaı turyp, Qaırat Dosymuly Aýǵalıev kólik turaǵynda jatqan ıtti miz qaqpaı basyp ótip, onyń ústinen taptaǵan. Áriptesteriniń kózinshe ol kólikti turaqqa qoıyp, túsip, «jumysyna» ketti», - dedi oqıǵa kýágeri jergilikti jýrnalısterge Sinegor Instagram paraqshasynda.
Zerendi aýdany turǵyndarynyń aıtýynsha, oqıǵa 3 mamyrda bolǵan.
«Ol tipti ıttiń janyna barmady, túk janashyrlyq tanytpady. Biz bul ıttiń sýyqta ólýine jol bermeı, qys boıy tamaqtandyrdyq. Meniń bir áriptesim qatty ashýlandy, bul qalaı bolǵany sonda? Bul baryp turǵan qorlyq kórsetý. Ekonomıka bóliminiń jigitteri júgirip baryp, oǵan kómekteskisi keldi, biraq bári kesh bolyp shyqty. Ol kólik turaǵynda ólip qaldy. Sosyn amalsyz ony kólikterine tıep, jerleýge alyp ketti», - dedi oqıǵa kýágeri.
