اقمولا وبلىسىنىڭ ورتالىعىندا 400-گە جۋىق كوشە بار. سونىڭ 206-سى قازاق تىلىندە جازىلعان، - دەپ حابارلايدى "حابار 24". بۇل تۋرالى قالالىق مادەنيەت جانە تىلدەردى دامىتۋ ءبولىمى حابارلادى.
جىل باسىنان بەرى ماماندار قالا تۇرعىندارىمەن ءتۇسىندىرۋ جۇمىستارىن جۇرگىزىپ كەلەدى. ارنايى سەنىم تەلەفونى دا ىسكە قوسىلعان. وعان 500-دەن اسا ادام قوڭىراۋ شالىپ، كونسۋلتاتسيالىق كومەك الىپتى. حالىق كوپ شوعىرلانعان جەرلەردە لاتىن الىپبيىنە قاتىستى ءىس شارالار دا وتكىزىلىپ تۇرادى. ماسەلەن، "لاتىن الىپبيىمەن جازايىق" اتتى اكتسيا ساۋدا ورىندارىندا ۇيىمداستىرىلدى. وندا ءاربىر تۇرعىن لاتىن قارىپىمەن جازىپ، ءوز ساۋاتتىلىعىن تەكسەرۋ مۇمكىندىگىنە يە بولدى. اقپاراتتىق ۇگىت-ناسيحات جۇمىستارى زاڭعا سايكەس وتكىزىلدى. "بۇگىنگى كۇنى كوكشەتاۋ قالاسى بويىنشا كورنەكى اقپاراتتىڭ 40 پروتسەنتى لاتىن ارپىمەن جازىلعان دەپ ايتۋعا بولادى. سونىمەن قاتار كوكشەتاۋ قالاسىنىڭ، قالا اكىمدىگىنىڭ بارلىق مەملەكەتتىك مەكەمەلەردىڭ تاقتايشالارى 10 پايىز لاتىن ارپىمەن جازىلعان", - دەيدى قالالىق مادەنيەت جانە تىلدەردى دامىتۋ ءبولىمىنىڭ باس مامانى دينا بەيسەمباەۆا.
"ادىرنا" ۇلتتىق پورتالى
