ەرجۇمان سمايىل الماتى وبلىسىنىڭ تالعار اۋدانىنا قاراستى تۋعانباي اۋىلىندا ومiرگە كەلگەن. اكەسi سمايىل ەمشiلiكتi كاسiپ ەتكەن، اناسى كۇلاش قاتارداعى شارۋا ادامى بولعان. 1965 جىلى ول تالعارداعى س.سەيفۋللين اتىنداعى №2 ورتا مەكتەپتi بiتiرگەن سوڭ، ءوزiنiڭ تۋعان اۋىلىندا كلۋب مەڭگەرۋشiسi, شوپان بولىپ ەڭبەك ەتەدi. 1967-1970 جىلدارى كەڭەس ارمياسى قاتارىنا شاقىرىلىپ، سولتۇستiك فلوتىنداعى سۇڭگۋiر قايىقتا اسكەري بورىشىن وتەيدi. 1971 جىلى قازاق مەملەكەتتiك ۋنيۆەرسيتەتiنiڭ جۋرناليستيكا فاكۋلتەتiنە وقۋعا كەلiپ ءتۇسiپ، ونى قىزىل ديپلوممەن بiتiرiپ شىققان سوڭ وسى وقۋ ورنىنىڭ اسسيستەنتi بولىپ جۇمىس iستەيدi.
ەرجۇمان وتەشۇلىنىڭ شىعارماشىلىق əلەۋەتى باي ەدى. ول كىسى بەتىن اشپاعان كىتاپ، سۇزگىدەن وتكىزبەگەن دەرەك جوق. بىراق سوعان قاراماستان، باسقا تىلشىلەر سياقتى كەڭىنەن قالام تەربەگەن جوق. عىلىمدى دا، باسقارۋ اپپاراتىن دا كوزدەمەدى. تالانتى مەن تالابىن، بار بىلگەنىن گازەت شىعارۋعا ارنادى. كۇن شىققاننان باتقانعا دەيىن كەلەسى گازەت نومىرىنە باسىلاتىن ماقالالاردى تۇزەتۋمەن، وقۋمەن بولدى. ورىنباسار بولعانىنا قاراماستان، ءəربىر ماقالانى ءوزى قاراپ، سالىستىرىپ، رەداكتسيا عيماراتىنىڭ باسقا قاباتتارىندا شىعاتىن باسىلىمداردىڭ گرانكاسىن سۇراتىپ، ۇقىپتىقىلىقپەن تەكسەرىپ قارادى. كəسىبي تۇزەتۋشىنىڭ (كوررەكتور) كورمەگەن قاتەلەرىن كوردى. سونداي تياناقتىلىقپەن باسىلىمدى اۋىر قاتەلىكتەردەن ساقتاپ قالدى.
ەرجۇمان سمايىلدىڭ رەداكتورلىق قابىلەتىنەن بولەك، اۋدارما شەبەرلىگىن دە ايتا كەتكەن ءجون. بۇل كىسىنىڭ اۋدارماشىلىق قابىلەتىنە كوپ ادام قىزاققان. مىڭ ءتۇرلى قۇبىلىپ جازىلعان، قوعامدىق، ساياسي، əلەۋمەتتىك مəتىندەردى قازاقشا سويلەتكەن ادام. كۇن وتكەن سايىن وزگەرىسكە ۇشىراپ، تۇرلەنەتىن ساياسات تاقىرىبىنداعى ءمəتىن تەرميندەرىن قازاقشاعا بالامالاپ اۋدارعان دا وسى ەرجۇمان سمايىل. ەشكىم بىلمەيتىن ساياسي تەرميندەردىڭ قازاقشا بالاماسىن تاۋىپ، ەنگىزگەنىنە قاراماستان، ولاردىڭ بىرەۋىنە دە يەلىك ەتىپ، اۆتورلىعىن بۇلداعان كەزى بولمادى. قازاقستاننىڭ ەڭ جاقسى دەگەن اۋدارماشىلارىنىڭ اۋدارعان مəتىندەرىن قايتادان قاراستىرىپ، قاتەلەرىن جوندەدى. كوز مايىن تاۋىسىپ، مəتىننەن ءمəتىن قالدىرمادى. وسى كىسىنىڭ ارقاسىندا “ەگەمەن قازاقستاننىڭ” بىردە-ءبىر ءəرپى قيسايمادى.
ايشات ناقا