اۋىلداعى ايەلگە شابىت پەن قۋات بەرەتىن ءوزى سياقتى ەڭبەكقور ايەلدىڭ ۇلگىسى عانا. بۇنى وسكەمەندە وتكەن اۋىل ايەلدەرىنىڭ «الەۋمەتتىك جاۋاپكەرشىلىك، تەڭدىك قۇقىق جانە مۇمكىندىكتەر قۇقىعى» فورۋمى دالەلدەدى.
وبلىس اكىمىنىڭ ورىنباسارى اسەم ءنۇسىپوۆا ەڭبەك ارداگەرى-ايەلدەرىنە تۋعان ولكەسىنىڭ داۋىنا قوسقان ۇلەسى مەن جۇمىستاعى جەمىستى ەڭبەگى ءۇشىن العىس ايتىپ، وبلىس اكىمىنىڭ اتىنان ارنايى گراموتالار مەن اقشالاي سىياقىلار تابىستادى.
ءاربىر ايەلدىڭ وزىندىك جەتىستىك تاريحى مەن كاسىبي شەجىرەسى بار. سولاردىڭ قاتارىندا ماراپاتقا 77 جاستاعى كاتونقاراعايلىق ءسابيلا قۇرمانوۆا يە بولدى. ول كۇيەۋى ەكەۋىمالشارۋاشىلىعىمەن اينالىسىپ، وسى كۇنگە دەيىن قوي باعۋ كاسىبىن تاستاماي كەلەدى. «التىن القا» يەگەرى 8 بالا، 16 نەمەرە، 12 شوبەرە تاربيەلەپ وتىر.
ورازحان ماناباەۆا 72 جاستا. كوپبالالى انا بەس بالا، 16 نەمەرە جانە 4 شوبەرە تاربيەلەپ وتىر. اۆتوكولىك رولىنە 1984 جىلى وتىرىپ، سودان بەرى 35 جىل كولىك تىزگىنىن تاستاماي كەلەدى. بۇگىنگى تاڭدا اياگوز قالاسىندا تاكسي قىزمەتىن اتقارىپ ءجۇر. اۋىلدىقتار كەرەك ادرەسىنە ورازحان اپا جەتكىزسە، جاقسىلىققا باۋليدى.
ەرلىك پەن كۇش-جىگەردىڭ ايقىن دالەلى دەپ ۇل تاربيەلەپ، ءتورت نەمەرە باعىپ وتىرعان زۋلفيا ەرقاسىموۆانى ايتۋعا بولادى. تراكتورشى-كومباينشى بولىپ جۇمىس ىستەپ ءجۇرىپ ەكى اياعىنان ايىرىلعان رۋحى بيىك ايەل پروتەزگە تۇرىپ، بۇگىندە كاتونقاراعاي اۋدانىندا اسحانا مەڭگەرۋشىسى بولىپ قىزمەت اتقارىپ، اۋىلىنىڭ قوعامدىق ومىرىنە بەلسەنە ارالاسىپ وتىر.
ساقان اۋباكىروۆا ءۇش بالا، سەگىز نەمەرە جانە شوبەرە تاربيەلەپ وتىرعان انا. 2011 جىلدان بەرى «بىرلىك» اۋىلدىق مەۇ-نا ارنالعان رەسۋرستىق ورتالىق» قوعامدىق قورىنىڭ جەتەكشىسى. سيىر ساۋشى، قوسالقى ستانتسيالارعا قىزمەت كورسەتەتىن 4-ءشى ساناتتاعى ەلەكترومونتەر، مالشارۋاشىلىعى بريگاديرى. 1997 جىلدان بەرى «سەنىم» شارۋا قوجالىعىنىڭ باسشىسى. «قازاقستان مۇراسىن ساقتايىق» جوباسىنا جەتەكشىلىك ەتتى.
ميحەيليس ليديا فيليپپوۆنا – 70 جاستا، ءتورت بالا، سەگىز نەمەرە، ءۇش شوبەرە تاربيەلەپ وتىر. باستاۋىش سىنىپ مۇعالىمى، وسكەمەن قۇس فابريكاسىندا بريگادير، ۇلان اۋدانى اكىمدىگىندە ءبولىم باسشىسى بولدى. ايتىلعان وقيعالاردىڭ بارلىعى بىرەگەي ءارى جانعا جىلۋلىق سىيلاپ، ايەلدەر قاۋىمىنىڭ قوعامداعى ءرولىن تانىتۋدا.
– شقو-دا «تابىس شەرۋى» ءراسىمى رەسپۋبليكادا ءوتىپ جاتقان وسى ىسپەتتەس فورۋمداردىڭ ەرەكشە بەلگىسى بولدى. اۋىل ايەلدەرىن وزدەرى سياقتى جانداردىڭ تابىسقا جەتۋ ۇلگىلەرى عانا جىگەرلەندىرەدى – دەدى «جاسىل» ەكونوميكا جانە G-Global-دى دامىتۋ كواليتسياسى» باسقارماسىنىڭ باسشىسى، قر پرەزيدەنتى جانىنداعى جاسىل ەكونوميكاعا كوشۋ كەڭەسىنىڭ مۇشەسى سالتانات راحيمبەكوۆا.
سونىمەن قاتار ماراپاتقا قوعام بەلسەندىلەرى دە يە بولدى: شەمونايحا اۋدانى ۆىدريحا اۋىلدىق وكرۋگىنىڭ اكىمى ليۋبوۆ ستۋپەنكو; «NietWOMEN» قۇ شقو-عى وكىلى ەلۆيرا اللاحۆەرديەۆا; كوكپەكتى اۋدانىنىڭ جەكە كاسىپكەرى جاننا جابەكوۆا; وسكەمەن جاستار ءماسليحاتىنىڭ دەپۋتاتى، سۋرەتشى ولگا چاۆكينا; «كوكپەكتى جولدارى» جشس-ءنىڭ ديرەكتورى گۇلناز نۇرعاليەۆا جانە التاي اۋدانىنداعى «قارلىعاش» قايىرىمدىلىق ءۇيىنىڭ مەڭگەرۋشىسى يرينا زايتسەۆا.
سونداي-اق، فورۋم اياسىندا «سوca-Cola بەلەستەرى» ديالوگ الاڭى، «وراتورلىق شەبەرلىك، بۇقارامەن جۇمىس» اتتى اۆتورلىق ترەنيگتەر مەن سەمينارلار ءوتتى.
"ادىرنا" ۇلتتىق پورتالى
