شالعايداعى اۋىل كىتاپحانالارىنا سوڭعى شىققان جاڭا كىتاپتاردى جەتكىزىپ، وسكەلەڭ ۇرپاقتىڭ كىتاپ وقۋعا دەگەن قىزىعۋشىلىعىن ارتتىرۋدى ماقساتىندا «اۋىل كىتاپحانالارىنا 100 كىتاپ» اتتى اكتسيا باستالدى، دەپ حابارلايدى “ادىرنا” ۇلتتىق پورتالى. بۇل تۋرالى مادەنيەت جانە اقپارات ءمينيسترى ايدا بالاەۆا جازدى.
“مەملەكەت باسشىسى ۇلتتىق قۇرىلتايدا كىتاپ ماسەلەسىنە ەرەكشە توقتالىپ وتكەنى بەلگىلى. پرەزيدەنت ءوز سوزىندە: «شىن مانىندە، كىتاپ وقيتىن ەل زيالى ۇلتقا اينالادى. ءبىز جاس ۇرپاقتىڭ كىتاپقا قۇشتارلىعىن وياتۋىمىز كەرەك» دەگەن بولاتىن. وسى ورايدا، «اۋىل كىتاپحانالارىنا 100 كىتاپ» اتتى اكتسيا باستادىق” دەدى ول Facebook-تاعى جازباسىندا.
اكتسياعا ول وزگە دە ارىپتەستەرىن شاقىردى:
”بۇل اكتسيانى وزگە دە ارىپەستەرىم، مينيسترلەر قولداپ، قازىردىڭ وزىندە بىرنەشە اۋىلعا كىتاپ جەتكىزىپ ۇلگەردى. ماسەلەن، ىشكى ىستەر ءمينيسترى ەرجان ساپاربەكۇلى، اۋىل شارۋاشىلىعى ءمينيسترى ايداربەك سەيپىلۇلى، ەڭبەك جانە حالىقتى الەۋمەتتىك قورعاۋ ءمينيسترى سۆەتلانا قابىكەنقىزى، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى بولعان باعدات باتىربەكۇلى جەكە اتسالىسىپ، ەلىمىزدىڭ بىرقاتار وڭىرىندەگى اۋىل كىتاپحانالارىنا 100 كىتاپتان تابىس ەتۋدە. باسقا دا ارىپتەستەرمىز تاياۋدا اكتسياعا قولداۋ كورسەتۋگە نيەت ءبىلدىردى” دەدى ول.
اكتسيا ماقساتى - شالعايداعى اۋىل كىتاپحانالارىنا سوڭعى شىققان جاڭا تۋىندىلاردى جەتكىزىپ، وسكەلەڭ ۇرپاقتىڭ كىتاپ وقۋعا دەگەن قىزىعۋشىلىعىن ارتتىرۋ.
