ۇلتتىق ەكونوميكانىڭ بۇرىنعى ءمينيسترى، قازىرگى تاڭدا ايەلى سالتانات نۇكەنوۆانى اياۋسىزدىقپەن ءولتىردى دەپ ايىپتالىپ جاتقان قۋاندىق بيشىمباەۆتىڭ بۇرىنعى ايەلى نازىم قاھارمان ەكس-كۇيەۋىنىڭ 5 رەت قاجىلىققا بارعانىن ايتتى، دەپ حابارلايدى "ادىرنا" ۇلتتىق پورتالى.
جۋرناليست عالىمجان سانكىباەۆتىڭ جازۋىنشا, نازىم قاھارمان ءوزىنىڭ ينستا پاراقشاسىندا وقىرمانداردىڭ سۇراقتارىنا جاۋاپ بەرۋ كەزىندە بيشىمباەۆتىڭ دىنگە جاقىن بولعانىن ايتقان:
"بيشىمباەۆ اتا-اناسى سەكىلدى دىنگە جاقىن بولدى. بىلۋىمشە ول بەس رەت كىشى قاجىلىق جاسادى. الايدا مەن وعان قاراپ ءدىن مەن رۋحاني دۇنيەنىڭ ەكى ءتۇرلى نارسە ەكەنىن ءتۇسىندىم" دەپ جاۋاپ بەردى ول وقىرماندارىنىڭ ساۋالىنا.
سونىمەن قاتار، نازىم قاھارمان بيشىمباەۆتاردىڭ ءدىني نانىم-سەنىمدەرگە سەنەتىنىن، كورىپكەلدەرگە ءجيى جۇگىنەتىنىن العا تارتتى.
