اقتوبە تۇرعىنى ءبىر اي بويى مەدبيكەنىڭ ىزىنەن قالماي اڭدىپ، جۇمىسىنا كەلگەن. وقيعا اقتوبەنىڭ «بولاشاق» اۋدانىنداعى وتباسىلىق مەديتسينا ورتالىعىندا بولعان.
22 مامىر كۇنى جىگىت ەمحانا كەلىپ، مەدبيكە بولمەسىنىڭ ەسىگىن سىندىرعان. ارتىنشا ول بيشىمباەۆتىڭ سالتاناتقا جاساعانىنداي اۋىر قىلمىس ىستەيتىنىن ايتقان.
«ءبىز كابينەتتە ۇشەۋمىز جۇمىس ىستەيمىز. ساعات 10 شاماسىندا قولىندا سيرەن گۇلى بار ءبىر جىگىت كىرىپ كەلدى. ءبىز ونى ناۋقاس دەپ ويلادىق، سويتسەك مەنى ءبىر اي بويى اڭدىپ جۇرگەن جىگىت ەكەن. وسى ۋاقىتقا دەيىن ول ماعان حابارلاسىپ، قورقىتقان بولاتىن. سوڭعى رەت ءبىز قىزدارمەن ونى فۋتبول الاڭىندا كورگەن ەدىك. ول ءساۋىر ايى بولاتىن. سودان باستاپ ول جىگىت مەنىڭ سوڭىمنان قالمادى. ءبىر كۇنى ەسىگىمنىڭ الدىنا كەلىپ تۇرعانىن جانە مەنى كۇتەتىنىن ايتتى. ينستاگرام پاراقشاما دەيىن جازاتىن. مەن وعان جىگىتىمنىڭ بارىن ايتىپ، پوليتسياعا ارىز جازدىم. ەندى سول جىگىت مەنىڭ جۇمىسىما كەلىپ، ايعاي شىعاردى. كەزدەسىپ جۇرگەن جىگىتىم تۇرمەدە وتىرعانىن جانە ول دا ماعان بيشىمباەۆ سەكىلدى جاسايتىنىن، مەن دە ەكىنشى سالتانات بولاتىنىمدى ايتتى»، - دەيدى ءوز ءومىرى ءۇشىن الاڭداعان 22 جاستاعى امانگۇل.
