ق. توقاەۆ: حالىقتىڭ نەسيەسىن وتەۋ ءبىر رەتتىك اكتسيا عانا

2669
Adyrna.kz Telegram
A man caught in a mouse trap made out of a credit card. Created to illustrate predatory lending and credit dangers.
A man caught in a mouse trap made out of a credit card. Created to illustrate predatory lending and credit dangers.
پرەزيدەنت قارىز الۋشىنىڭ بورىشىن مەملەكەت تاراپىنان وتەۋ ءبىر رەتتىك اكتسيا ەكەنىن اتاپ ءوتتى

قازاقستاننىڭ پرەزيدەنتى قاسىم-جومارت توقاەۆ تۇرمىسى تومەن ازاماتتاردىڭ بەرەشەگىن وتەۋ شارالارى جايىندا سۇرادى، دەپ حابارلايدى Sputnik قازاقستان تىلشىسى.

ۇلتتىق بانك توراعاسى ەربولات دوساەۆتىڭ ايتۋىنشا، قازىرگى كەزدە وسى ساناتقا جاتاتىنداردىڭ ءتىزىمى جاسالىپ جاتىر. ودان كەيىن ەڭبەك جانە حالىقتى الەۋمەتتىك قورعاۋ مينيسترلىگىنەن ءتيىستى مالىمەتتەر الىنادى.

"تىزىمدەردى سالىستىرۋ جۇمىسى وسى اپتادا اياقتالادى. ال كەلەسى اپتادان باستاپ شىلدەنىڭ اياعىنا دەيىن بانكتەر جانە ميكروقارجىلاندىرۋ ۇيىمدارى پروبلەمالىق كرەديتتەر قورىمەن ءتيىستى كەلىسىمدەردى راسىمدەيدى. ال مەملەكەتتىك كرەديت بيۋروسى 300 مىڭ تەڭگەگە دەيىن بەرەشەگى كەشىرىلەتىن ازاماتتاردىڭ ءتىزىمىن جاسايدى. ال ايىپپۇل مەن ءوسىمپۇلداردى وتەۋ شارالارى تامىزعا دەيىن اياقتالادى", - دەدى دوساەۆ.

پرەزيدەنت بۇل جۇمىستى ءجىتى باقىلاۋدا ۇستاۋدى تاپسىردى.

"بىراق ءبىر نارسەنى قايتالاپ وتەيىپ، بۇل – ءبىر رەتتىك اكتسيا. ودان كەيىن ءبىز مۇنىمەن كوپ اينالىسا المايمىز. كوپ اينالىسۋعا قۇقىعىمىز دا جوق. دەگەنمەن، ايتقانىمىزدى ۋاقىتىندا جانە ساپالى تۇردە جاساۋىمىز قاجەت", - دەدى توقاەۆ.

 

"ادىرنا" ۇلتتىق پورتالى

پىكىرلەر