الماتىدا جالپى ءبىلىم بەرەتىن وقۋ ورىندارىمەن ارىپتەستىك قارىم-قاتىناستى نىعايتۋ ماقساتىندا «يننوۆاتسيالىق مەكتەپ-باسەكەگە قابىلەتتى وقۋشى» اتتى ءبىلىم كورمەسى ءوتتى. شاراعا بوستاندىق اۋدانىنان 50-گە جۋىق مەكتەپ قاتىستى.
كورمەنىڭ وتۋىنە «سۇلەيمان دەميرەل اتىنداعى مەكتەپ-ينتەرنات-كوللەدجىنىڭ» مۇرىندىق بولعان.
يننوۆاتسيالىق مادەنيەتتى جاس ورەندەردىڭ كرەاتيۆتەرى ارقىلى دامىتۋدى كوزدەگەن كورمەدە دارىندى وقۋشىلار جاراتىلىستانۋ مەن قوعامدىق گۋمانيتارلىق باعىتتا جاساعان جۇمىستارىن تانىستىردى. سونداي-اق، كورمە بارىسىندا وزگە ەلدىڭ ەرتەگىلەرى مەن مۋلتحيكايالارىن قازاق تىلىنە اۋدارىپ، دۋبلياجداعان ەڭبەكتەردە كورسەتىلدى.
- وسى ءفيلمدى اۋدارۋ ءۇشىن 1,5 ايداي ۋاقىت كەتتى. دۋبلياجعا ءبىرىنشى رەت قاتىسىپ جاتىرمىز. قيىندىق بولدى، اعايلار مەن اپايلار كوپ كومەكتەستى، –دەدى سۇلەيمان دەميرەل اتىنداعى مەكتەپ-ينتەرنات-كوللەدجىنىڭ وقۋشىسى بەيبارىس سەرجان.
ال سۇتازدار قاۋىمى بولسا، مۇنداي شارالار بالالارعا جاڭاشىلدىققا ۇمتىلۋعا جول اشادى دەيدى.
- بالالارعا مۇعالىمدەرى باعىت-باعدار بەرىپ وتىردى. وقۋشىلار وزدەرى جاساپ جانە كوپشىلىككە تانىستىرادى. ءبىلىم ورداسىنىڭ ماقساتى – اتى ايتىپ تۇرعانداي، كرەاتيۆتى جانە يننوۆاتسيالىق مەكتەپ، ياعني جاڭاشىلدىققا ۇمتىلۋ، زاماننىڭ كوشىنەن قالماۋ، –دەدى سۇلەيمان دەميرەل اتىنداعى مەكتەپ-ينتەرنات-كوللەدجىنىڭ مۇعالىمى اقساۋلە شامۋرادوۆا.
