شىعىس قازاقستان وبلىسى التاي اۋدانىنداعى ءوندىرىس ورنىنان ەكى ادامنىڭ باس سۇيەگى مەن دەنە سۇيەگىنىڭ سىنىقتارى تابىلدى. بۇل تۋرالى وبلىستىق پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
دەپارتامەنت باستىعىنىڭ ءبىرىنشى ورىنباسارى دۋمان قوجاحمەتوۆ سۇيەكتەردىڭ 100 جىلدان استام ۋاقىت بويى جەردە جاتقانىن مالىمدەدى.
«18 ءساۋىر كۇنى كومپانيا قىزمەتكەرلەرى ەكى ادامنىڭ قاڭقاسىن تاۋىپ، بۇل تۋرالى پوليتسەيلەرگە ايتقان. تەرگەۋ امالدارى جۇرگىزىلىپ، ءتيىستى ساراپتامالار تاعايىندالدى. سونىڭ ناتيجەسىندە، سۇيەكتەردىڭ 100 جىلدان استام ۋاقىت بويى جەردە جاتقانى انىقتالدى. بىراق ول ادامداردىڭ ءولۋ سەبەبىن ءبىلۋ مۇمكىن ەمەس. سۇيەكتەردى ارى قاراي قايدا جىبەرەتىندىگى بەلگىسىز. باسقا جەرگە جەرلەۋ تۋرالى شەشىم قابىلدانۋى ىقتيمال»، - دەپ ءتۇسىندىردى ول.
