الماتىدا جۇمىسسىزدىق ماسەلەسى قوزعالعان پىكىرسايىس ءتۋرنيرى ءوتتى

2444
Adyrna.kz Telegram

الماتى قالاسىندا الەۋمەتتىك جوبا اياسىندا ءىرى كولەمدەگى پىكىرسايىس ءتۋرنيرى ءوتتى. 

"ادىرنا" قوعامدىق قورى "جاستاردى الەۋمەتتەندىرۋ جانە وڭالتۋ" جوباسى اياسىندا ءال-فارابي اتىنداعى قازاق ۇلتتىق ۋنيۆەرسيتەتىندە پىكىرسايىس ءتۋرنيرىن ۇيىمداستىردى. تۋرنيرگە الماتى قالاسىنداعى ءتۇرلى جوعارى وقۋ ورىندارىنان 54 ءوتىنىم ءتۇسىپ، 9 دەباتتىق كلۋبتان 18 فراكتسيا ىرىكتەلدى.

نەگىزىنەن تاقىرىپ ەلدەگى وزەكتى ماسەلەلەرمەن بايلانىستى بولدى. ماسەلەن، جۇمىسسىزدىق، سىبايلاس جەمقورلىق، ۇلت سەنىمى جانە تاعى باسقا.

امەريكاندىق پارلامەنت جانە لينكولن دۋگلاس فورماتىندا وتكەن دەبات ءتۋرنيرىنىڭ نەگىزگى قارارلارى التى تاقىرىپقا كوزدەلدى. ولار: 1) بپ قازاقستاندا باسكەلەستىكتى دامىتۋدىڭ جاڭا باعدارلاماسىن ۇسىنادى; 2) بپ قازىرگى قوعامداعى سىبايلاس جەمقورلىقتىڭ الدىن الۋدىڭ ءتيىمدى جولىن ۇسىنادى; 3)بپ ساياسي اقپارات اشىق بولۋ قاجەت دەپ ە.; 4)بپ ەلدەگى جۇمىسسىزدىققا حالىقتى كىنالى د.ە.; 5)بپ پرەزيدەنتتىككە ءوز كانديداتۋراسىن ۇسىنادى; 6)قاپتاعى مىسىق.

تاڭعى ۋاقىتتان كەشكە دەيىن جالعاسقان تۋرنير تورەشىلەردىڭ شەشىمى بويىنشا اپف فورماتىنان:
1 ورىن: ءال-فارابي فراكتسياسى (كۋبوك، ديپلوم جانە 100 000 تگ قارجىلاي سىيلىق)
2 ورىن: Asar Ume فراكتسياسى (ديپلوم جانە 70 000 تگ قارجىلاي سىيلىق)
3 ورىن: فەنيكس فراكتسياسى (ديپلوم جانە 50 000 تگ قارجىلاي سىيلىق)
4 ورىن(ۇزدىك تالپىنىس): كاي لين فراكتسياسى (ديپلوم جانە 25 000 تگ قارجىلاي سىيلىق)

لد فورماتى بويىنشا: ەڭ ۇزدىك سپيكەر - جاكەن نۇرحان
ۇزدىك سپيكەر - ەدىلباەۆ ەرنار ماراپاتتالدى.

 

تۋرنير جايلى ءۇشىنشى ورىن العان تۇران ۋنيۆەرسيتەتى "سيريۋس" دەبات كلۋبىنىڭ مۇشەسى جولشىبەك جانسەرىك:

"تۋرنير جوعارعى دەڭگەيدە ءوتتى، ۇيىمداستىرۋشىلار تاراپىنان ۇسىنىلعان قارارلار وتە اكتۋالدى بولدى، سپيكەرلەر بارلىق سۇراقتارعا تولىق جاۋاپ بەرە الدى دەپ سەنەمىز. وسىنداي تۋرنيرلەر تەك پىكىرسايىسشىلار ءۇشىن عانا اقتالاتىن دۇنيە ەمەس، مەملەكەتتىك دەڭگەيدەگى سۇراقتاردىڭ شەشىمدەرىن تابۋعا مۇمكىندىك بەرەدى" دەپ پىكىر ءبىلدىردى.

سونىمەن قاتار "التىن ساپا" دەبات كلۋبىنىڭ اعا بۋىنى سانجار لاتيفوۆ:

"ادىرنا ورتالىعىنىڭ ۇيىمداستىرعان پىكىرسايىس ءتۋرنيرى وتە كەرەمەت دەڭگەيدە ءوتتى. قىزىقتى قارارلار، ءادىل تورەشىلىك جانە جوعارى دەڭگەيدەگى ۇيىمداستىرۋ ءتۋرنيردىڭ باستى ەرەكشەلەكتەرى بولدى. ءار ۋنيۆەرسيتەتتەن كەلگەن پىكىرسايىسشىلارمەن تاجىريەبە الماسىپ، دوستىق قارىم-قاتىناس ورناتا العانىمىز ءۇشىن ادىرناعا راحمەت!" دەپ ويىمەن ءبولىستى.

ويىن سوڭىندا "ادىرنا" ۇوعامدىق قورىنىڭ پرەزيدەنتى ارمان اۋباكىر:

"مەن بۇگىن جالىنداعان جاستاردى كوردىم. ولاردىڭ ەل ماسەلەسىن قوزعاۋدا بىلەرلەرى كوپ ەكەنىن، ەرتەڭگى مەملەكەتىمىزدىڭ بەرىك قامالى بولا الاتىن جاستاردىڭ بار ەكەنىنە سەندىم. بىرىنشىدەن، بارشا جەڭىمپازداردى ءادىل جەڭىسپەن قۇتتىقتايىمن. زور تابىس تىلەيمىن! ەكىنشىدەن، وسىنداي دەبات سايىستارىن ۇيىمداستىرىپ تۇرۋدى الداعى ۋاقىتتا تاعى جوسپارلايتىنىمىزدى ايتا كەتكىم كەلەدى. دەبات - جاي عانا سايىسشىلاردىڭ پىكىر قاعىستىراتىن الاڭا ەمەس، بۇل ەلىمىزدىڭ جارقىن بولاشاعىن قۇراتىن جاستاردىڭ ەركىن وي بولىسەتىن، ماسەلەلەردىڭ اشىق تالقىلاناتىن مەكەنى" دەپ ءبولىستى ول.

 

 

پىكىرلەر