Álemniń 4-raketkasy qazaqstandyq tennısshi Elena Rybakına alǵash ret Madrıd (Ispanııa) WTA 1000 týrnıriniń jartylaı fınalyna shyqty, dep habarlaıdy “Adyrna” ulttyq portaly kaz.inform saıtyna siltep.
Rybakına shırek fınalda otandasy, álemniń 50-raketkasy Iýlııa Pýtınevamen jolyqty.
Osyǵan deıin ózara eki kezdesýde Iý.Pýtıneva basym túsken edi.
Bul joly birinshi partııada esep 2:2 bolǵan sátte Iýlııa breık jasap, sol qarqynynan tanǵan joq – 6:4.
Ekinshi sette esep 1:1 bolǵanda, Pýtıneva taǵy da breıkke qol jetkizdi. Biraq Rybakına sol boıda tarazy basyn teńestirdi – 2:2. Sosyn taı-breıkte esesin jibermedi – 7:6 (7:4).
Úshinshi, sheshýshi partııada Iýlııa 5:2 esebimen alǵa ketti. Sodan keıin Elena dop bergende, eki matchbolyn paıdalana almady. Esesine Rybakına qatarynan bes geımdi óz esebine jazdy – 7:5.
Eki saǵat 48 mınýtqa sozylǵan tartysty matchta Rybakına 6 eıs jasap, 12 breık-poınttyń úsheýin paıdalandy. Pýtıneva eıs jasaı alǵan joq. Ol da 3 breıkpen (10 breık-poınt) kózge tústi.
Elena Rybakına fınalǵa shyǵý úshin álemniń 2-raketkasy, osy jarystyń ótken jylǵy chempıony, Belarýs ókili Arına Sobolenko nemese Reseıdiń jas juldyzy, reıtıngide 43-oryndaǵy, 17 jastaǵy Mırra Andreevanyń qaı jeńgenimen talasady.
