جايىق وزەنىندەگى سۋ دەڭگەيى كوتەرىلىپ جاتىر، دەپ حابارلايدى "ادىرنا" ءتىلشىسى قازاقپاراتقا سىلتەپ.
وزەننىڭ سۋ دەڭگەيى اقجايىق اۋدانى تايپاق اۋىلى تۇسىندا ءبىر تاۋلىكتە 32 سانتيمەترگە كوتەرىلگەن.
«قازگيدرومەت» رمك بقو فيليالىنىڭ مالىمەتىنشە، 30 ءساۋىر كۇنگى ساعات 08.00-دە تايپاق گيدروبەكەتىندە سۋ دەڭگەيى 665 سانتيمەترگە جەتكەن. ال ونىڭ قاۋىپتى شەگى – 850 سم.
جايىق وزەنىنىڭ سۋى يانۆارتسەۆ اۋىلى مەن ورال قالاسى تۇسىندا ءبىر تاۋلىكتە 10 سانتيمەترگە تومەندەدى. قازىر اۋىل ماڭىندا سۋ دەڭگەيى - 834 سم، وبلىس ورتالىعىندا 828 سانتيمەتردى كورسەتتى.
اقجايىق اۋدانىنىڭ اكىمى مۇرات سەردالين جايىق وزەنىنىڭ سۋى ساي-سالالاردى تولتىرىپ، تومەن قاراي اعىپ جاتقانىن ايتادى. وزەن بويىنداعى ەلدى مەكەندەر باقىلاۋدا ەكەنى حابارلاندى.
