الەۋمەتتىك جەلى مەن باق بەتتەرىندە اتى-ءجونىن جاسىرعىسى كەلگەن قالتالى ازامات ۋكراينا قارۋلى كۇشتەرىنە قوسالقى بولشەكتەرگە بەرۋ ءۇشىن قولدانىستان شىعارىلعان اسكەري ۇشاقتاردى قازاقستاننان ساتىپ العانى تۋرالى حابارلاما تارعان بولاتىن. بۇل اقپاراتتى «قازسپەتسەكسپورت» جوققا شىعاردى، دەپ حابارلايدى “ادىرنا” ۇلتتىق پورتالى.
حابارلامادا 2023 جىلدىڭ قازان ايىندا قازاقستان پايدالانۋدان شىعارىلعان 117 كەڭەستىك جويعىش جانە بومبالاۋشى ۇشاقتاردى اۋكتسيونعا قويعانى اتاپ وتىلگەن.
ايتا كەتسەك، «قازسپەتسەكسپورت» كاسىپورنىن قازاقستان ۇكىمەتى ەلىمىزدىڭ قارۋلى كۇشتەرىن، باسقا دا اسكەرلەرى مەن اسكەري قۇرىلىمدارىن قامتاماسىز ەتۋ جانە قارۋ-جاراق پەن اسكەري تەحنيكانى، سونداي-اق اسكەري مۇلىكتى اكەلۋ جانە اكەتۋ سالالارىندا جۇمىس جاساۋ ماقساتىندا قۇرعان.
«مىندەتتى تۇردە جويۋ شارتىمەن اۋە كەمەلەرىن ساتۋ بويىنشا بارلىق اۋكتسيونداردى كاسىپورىن ۋاكىلەتتى ورگان بەرگەن ءتيىستى ليتسەنزيالارى بار قازاقستان رەسپۋبليكاسىنىڭ زاڭدى تۇلعالارى اراسىندا قولدانىستاعى زاڭناما تالاپتارىنا سايكەس جۇرگىزدى، اۋكتسيوندارعا قاتىسۋعا رۇقسات ەتىلمەدى. كادەگە جاراتۋ پروتسەسى تولىعىمەن تەڭگەرىم ۇستاۋشىلاردىڭ باقىلاۋىندا»، - دەلىنگەن «قازسپەتسەكسپورت» سايتىنداعى حابارلامادا.
ولار سونداي-اق «بارلىق اۋە كەمەلەرى، ولارعا ارنالعان بولشەكتەر مەن توراپتاردى كەسۋ ء(بولۋ، ۇساقتاۋ) ارقىلى جانە ولاردىڭ باستاپقى قالپىنا كەلتىرىلۋىن بولدىرمايتىن باسقا دا ادىستەرمەن تەڭگەرىم ۇستاۋشىلاردىڭ اۋماعىندا جويىلادى جانە تەك اۋماقتان شىعارىلادى» دەپ مالىمدەدى.
دەگەنمەن، ۋكراينالىق باق-قا سىلتەپ اقپارات تاراتقان رەسەيدىڭ اvia.pro اگەنتتىگىنىڭ بۇگىنگى حابارىنا قاراعاندا، قازاقستان ۋكراينانىڭ قاجەتتىلىكتەرى ءۇشىن اقش-قا پايدالانۋدان شىعارىلعان 81 ۇشاعىن ساتقان سياقتى.
اقپاراتقا سايكەس، قازاقستان ەسكىرگەن كەڭەستىك جاۋىنگەرلىك ۇشاقتاردان باس تارتىپ، رەسەيلىك سۋ-30سم كوپ ماقساتتى جويعىش ۇشاعى سياقتى زاماناۋي ۇلگىلەردىڭ پايداسىنا ءوزىنىڭ اسكەري اۆياتسيالىق پاركىن جاڭارتۋ بويىنشا بەلسەندى جۇمىس جۇرگىزۋدە.
«وسى پروتسەستىڭ اياسىندا قازاقستان ۇكىمەتى كەڭەستىك داۋىردەگى 117 جويعىش جانە بومبالاۋشى ۇشاقتارعا اۋكتسيون جاريالادى. ونىڭ ىشىندە 1970-1980 جىلدارى شىعارىلعان ميگ-31, ميگ-27, ميگ-29 جانە سۋ-24. لوتتىڭ جالپى قۇنى 1 ملرد تەڭگەگە (شامامەن 1,5 ملن اقش دوللارى) باعالانادى. اۋە كەمەسى پايدالانۋعا جارامسىز جانە ولاردى جاڭعىرتۋ ۇنەمدى ەمەس دەپ تانىلدى»،- دەلىنگەن اقپاراتتا.
Kyiv Post اتاپ وتكەندەي، اقش بۇل ۇشاقتاردىڭ 81-ءىن تەڭىز قۇرىلىمدارى ارقىلى ساتىپ العان. بۇل ۇشاقتاردىڭ تۇرلەرى ۋكرايندىق قىزمەتتە بولعاندىقتان، ولار اقىرىندا كيەۆكە قوسالقى بولشەكتەر رەتىندە نەمەسە اەرودرومداردا مۋلياج رەتىندە پايدالانۋعا بەرىلەدى دەپ بولجانۋدا.
