ماسكەۋ سوتى ۋكراينانىڭ قازاقستانداعى بۇرىنعى توتەنشە جانە وكىلەتتى ەلشىسى پەتر ۆرۋبلەۆسكيگە ىزدەۋ جاريالادى. ول وشپەندىلىك تۋعىزاتىن ءسوزى ءۇشىن قوزعالعان قىلمىستىق ءىس اياسىندا سىرتتاي قامالماق. بۇل تۋرالى تاسس جازدى، دەپ حابارلايدى ”ادىرنا” ۇلتتىق پورتالى.
اگەنتتىكتىڭ مالىمەتىنشە، ۋكراينالىق ديپلوماتقا فەدەرالدى جانە حالىقارالىق ىزدەۋ جاريالانعان.
«الدىن الا تەرگەۋ ورگانى رف قىلمىستىق كودەكسىنىڭ 282-بابى 2-بولىگىنىڭ «ا» تارماعىندا كوزدەلگەن قىلمىستى جاسادى دەپ سىرتتاي ايىپتالعان پەتر يۋرەۆيچ ۆرۋبلەۆسكيگە قاتىستى قىلمىستىق ءىستى تەرگەۋ اياسىندا (وشپەندىلىك تۋدىرۋ نەمەسە ارازدىق، سونداي-اق ادامدىق قادiر-قاسيەتiن قورلاۋ) ۋكراين ديپلوماتىن فەدەرالدىق، سودان كەيiن حالىقارالىق ىزدەۋگە بەرۋ تۋرالى قاۋلى شىعاردى. بۇدان باسقا، ماسكەۋ سوتى ۋكراينا ازاماتى ۆرۋبلەۆسكيگە رف اۋماعىنا ەكستراديتسيالانعان كەزدەن باستاپ نەمەسە ايىپتالۋشىنى رف اۋماعىندا ۇستاۋ ساتىنەن كەيىنگى كەزەڭدى ەسەپتەي وتىرىپ، ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن تاڭداۋ تۋرالى تەرگەۋدىڭ ءوتىنىشىن قاناعاتتاندىردى»، - دەدى اگەنتتىككە سوتتاعى اقپارات كوزى.
ۋكراينانىڭ ەكس-ەلشىسىن سىرتتاي قاماۋعا الۋ تۋرالى شەشىم قابىلداعان ماسكەۋدىڭ باسمان سوتىنىڭ دەرەكتەر بازاسىندا كورسەتىلگەندەي، ءتيىستى شەشىمگە شاعىم ءالى تۇسكەن جوق.
ايتا كەتسەك، رەسەي قىلمىستىق كودەكسىنىڭ بۇل بابىنىڭ سانكتسياسى التى جىلعا دەيىن باس بوستاندىعىنان ايىرۋ جازاسىن كوزدەيدى.
