Äleumettık jelı men BAQ betterınde aty-jönın jasyrǧysy kelgen qaltaly azamat Ukraina qaruly küşterıne qosalqy bölşekterge beru üşın qoldanystan şyǧarylǧan äskeri ūşaqtardy Qazaqstannan satyp alǧany turaly habarlama tarǧan bolatyn. Būl aqparatty «Qazspeseksport» joqqa şyǧardy, dep habarlaidy “Adyrna” ūlttyq portaly.
Habarlamada 2023 jyldyŋ qazan aiynda Qazaqstan paidalanudan şyǧarylǧan 117 keŋestık joiǧyş jäne bombalauşy ūşaqtardy auksionǧa qoiǧany atap ötılgen.
Aita ketsek, «Qazspeseksport» käsıpornyn Qazaqstan ükımetı elımızdıŋ Qaruly Küşterın, basqa da äskerlerı men äskeri qūrylymdaryn qamtamasyz etu jäne qaru-jaraq pen äskeri tehnikany, sondai-aq äskeri mülıktı äkelu jäne äketu salalarynda jūmys jasau maqsatynda qūrǧan.
«Mındettı türde joiu şartymen äue kemelerın satu boiynşa barlyq auksiondardy käsıporyn uäkılettı organ bergen tiıstı lisenziialary bar Qazaqstan Respublikasynyŋ zaŋdy tūlǧalary arasynda qoldanystaǧy zaŋnama talaptaryna säikes jürgızdı, auksiondarǧa qatysuǧa rūqsat etılmedı. Kädege jaratu prosesı tolyǧymen teŋgerım ūstauşylardyŋ baqylauynda», - delıngen «Qazspeseksport» saityndaǧy habarlamada.
Olar sondai-aq «barlyq äue kemelerı, olarǧa arnalǧan bölşekter men toraptardy kesu (bölu, ūsaqtau) arqyly jäne olardyŋ bastapqy qalpyna keltırıluın boldyrmaityn basqa da ädıstermen teŋgerım ūstauşylardyŋ aumaǧynda joiylady jäne tek aumaqtan şyǧarylady» dep mälımdedı.
Degenmen, ukrainalyq BAQ-qa sıltep aqparat taratqan Reseidıŋ Avia.pro agenttıgınıŋ bügıngı habaryna qaraǧanda, Qazaqstan Ukrainanyŋ qajettılıkterı üşın AQŞ-qa paidalanudan şyǧarylǧan 81 ūşaǧyn satqan siiaqty.
Aqparatqa säikes, Qazaqstan eskırgen keŋestık jauyngerlık ūşaqtardan bas tartyp, reseilık Su-30SM köp maqsatty joiǧyş ūşaǧy siiaqty zamanaui ülgılerdıŋ paidasyna özınıŋ äskeri aviasiialyq parkın jaŋartu boiynşa belsendı jūmys jürgızude.
«Osy prosestıŋ aiasynda Qazaqstan ükımetı keŋestık däuırdegı 117 joiǧyş jäne bombalauşy ūşaqtarǧa auksion jariialady. Onyŋ ışınde 1970-1980 jyldary şyǧarylǧan MiG-31, MiG-27, MiG-29 jäne Su-24. Lottyŋ jalpy qūny 1 mlrd teŋgege (şamamen 1,5 mln AQŞ dollary) baǧalanady. Äue kemesı paidalanuǧa jaramsyz jäne olardy jaŋǧyrtu ünemdı emes dep tanyldy»,- delıngen aqparatta.
Kyiv Post atap ötkendei, AQŞ būl ūşaqtardyŋ 81-ın teŋız qūrylymdary arqyly satyp alǧan. Būl ūşaqtardyŋ türlerı ukraindyq qyzmette bolǧandyqtan, olar aqyrynda Kievke qosalqy bölşekter retınde nemese aerodromdarda muliaj retınde paidalanuǧa berıledı dep boljanuda.
