كروكۋس سيتي حوللداعى تەراكت ءىسى بويىنشا تاعى ءبىر ايىپتالۋشى كۇدىككە ءىلىندى، دەپ حابارلايدى "ادىرنا" ءتىلشىسى.
بۇل تۋرالى ماسكەۋ قالالىق سوتىنىڭ ءباسپاسوز قىزمەتى مالىمدەدى.
تەراكت ءىسى بويىنشا ون ەكىنشى ايىپتالۋشى دجۋموحون كۋربونوۆ لاڭكەستەردى بايلانىس پەن اقشامەن قامتاماسىز ەتتى دەگەن كۇدىككە ءىلىنىپ وتىر. ول 20 جاستاعى تاجىكستاننىڭ تۋماسى.
«تەرگەۋ دەرەكتەرى بويىنشا، كۋربونوۆقا لاڭكەستىك ارەكەتتى دايىنداۋعا قاراجات ءبولۋ، ونىڭ ىشىندە قاتىسۋشىلاردى بايلانىس قۇرالدارىمەن قامتاماسىز ەتۋ جانە ولار ءۇشىن جۇيەلى تولەم جاساۋ مىندەتى جۇكتەلگەن» دەپ حابارلادى ماسكەۋ قالالىق سوتىنىڭ ءباسپاسوز قىزمەتى.
