2023 جىلدىڭ باسىنان باستاپ الماتى قالاسىنىڭ ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى تۇرعىنداردان كەلىپ تۇسكەن 8 مىڭعا جۋىق ءوتىنىشتى قارادى. جوسپاردان تىس تەكسەرۋلەر مەن زاڭگەرلىك كەڭەس بەرۋ ناتيجەلەرى بويىنشا تۇتىنۋشىلارعا 223 929 ميلليون تەڭگە قايتارىلدى. بۇل دەرەكتەرمەن دەپارتامەنت باسشىسىنىڭ ورىنباسارى نۇرلان ابديەۆ ءبولىستى.
وتىنىشتەردى قاراۋ قورىتىندىسى بويىنشا دەپارتامەنت 100 جوسپاردان تىس تەكسەرۋ جۇرگىزدى، 314 اكىمشىلىك جازا قولدانىلدى. ەڭ كوپ وتىنىشتەر بولشەك ساۋدا بويىنشا كەلىپ ءتۇستى. وتىنىشتەر سانى بويىنشا ەكىنشى ورىن ەلەكتروندىق ساۋداعا تيەسىلى. تۇتىنۋشىلاردىڭ تۇرمىستىق قىزمەتتەر، تكش جانە ءبىلىم بەرۋ قىزمەتتەرى سالاسىنداعى قۇقىقتارى ءجيى بۇزىلادى.
"تۇتىنۋشىلاردىڭ قۇقىقتارىن قورعاۋ سالاسىنداعى نەگىزگى بۇزۋشىلىق تۇتىنۋشىنىڭ شاعىمىنا 10 كۇندىك كۇنتىزبەلىك مەرزىمدە جاۋاپ بەرمەۋ، ساۋدا سالاسىندا - الەۋمەتتىك ماڭىزى بار ازىق-تۇلىك تاۋارلارىنا زاڭنامادا بەلگىلەنگەن ساۋدا ۇستەمەسىن بۇزۋ بولىپ تابىلادى»، - دەدى ن. ابديەۆ.
ىشكى نارىقتا وتاندىق ءوندىرۋشىنى قورعاۋدى قامتاماسىز ەتۋ جانە تۇتىنۋشىلاردىڭ قۇقىقتارىن قورعاۋ ماقساتىندا «ساپالى ءونىم» الەۋمەتتىك جوباسى شەڭبەرىندە جۇمىس جۇرگىزىلۋدە. تۇتىنۋشىلاردىڭ قۇقىقتارىن قورعاۋ سالاسىنداعى قوعامدىق بىرلەستىكتەرگە قوعامدىق مونيتورينگ شەڭبەرىندە تاۋارلاردىڭ ۇلگىلەرىن ىرىكتەۋ قۇقىعىن بەرۋ، سونداي-اق ولاردىڭ بەلگىسىز ادامدار توبىن قورعاۋعا قاتىستى تالاپ قويۋ مۇمكىندىگىن ەنگىزۋ جوسپارلانۋدا. قوعامدىق بىرلەستىكتەردىڭ قىزمەتىن ينتەگراتسيالاۋ شەڭبەرىندە تۇتىنۋ نارىعىن قورعاۋ مۇددەسىندە قالالىق احۋالدىق شتابتىڭ جۇمىسى ىسكە اسىرىلۋدا، وعان تۇتىنۋشىلاردىڭ قۇقىقتارىن قورعاۋ جونىندەگى قوعامدىق بىرلەستىكتەر، مەملەكەتتىك ورگانداردىڭ وكىلدەرى جانە بيزنەس سۋبەكتىلەرى كىرەدى.
«ساپاسىز ازىق-تۇلىك تاۋارلارىن انىقتاۋ جانە ولاردى وتكىزۋدىڭ جولىن كەسۋ ماقساتىندا الماتى قالاسى بويىنشا تەحنيكالىق رەتتەۋ جانە مەترولوگيا، سانيتارلىق - ەپيدەميولوگيالىق باقىلاۋ، ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتتەرى يمپورتتىق ازىق-تۇلىك ونىمدەرىنىڭ ءتارتىبىن، تاماق ونىمدەرىنىڭ قاۋىپسىزدىگى نورمالارى مەن تەحنيكالىق رەگلامەنتتەردىڭ تالاپتارىنا سايكەستىگىن زەرتتەۋ ماقساتىندا مونيتورينگ جۇرگىزۋدە»، - دەدى سپيكەرى.
سونداي-اق دەپارتامەنت قىزمەتىندەگى باسىم باعىت تۇراقتى نەگىزدە جۇرگىزىلەتىن جانە ونىڭ شەڭبەرىندە الەۋمەتتىك ماڭىزى بار ازىق-تۇلىك تاۋارلارىنا باعا بەلگىلەۋ تۋرالى ماسەلەلەر قارالاتىن ازىق-تۇلىك تاۋارلارىنا باعا بەلگىلەۋدىڭ بارلىق تىزبەكتەرى بويىنشا دەلدالدىق سحەمالاردى تەرگەپ-تەكسەرۋ جونىندەگى كوميسسيانىڭ وتىرىستارىن ۇيلەستىرۋ جانە وتكىزۋ بولىپ تابىلادى.
ونىڭ ايتۋىنشا، 2023 جىلدىڭ قورىتىندىسى بويىنشا 43 وتىرىس وتكىزىلگەنىن حابارلادى. كوميسسيا قىزمەتىنىڭ ناتيجەلەرى بويىنشا ءتيىمسىز دەلدالدار تۇرىندەگى بۇزۋشىلىقتاردىڭ، سونداي-اق ساۋدا سالاسىنداعى زاڭنامانى بۇزۋدىڭ 175 فاكتىسى انىقتالدى جانە جويىلدى. جوسىقسىز كاسىپكەرلەرگە قاتىستى 163 اكىمشىلىك حاتتاما جاسالدى
«ۇسىنىلعان ماتەريالداردىڭ ناتيجەلەرى بويىنشا ساۋدا سالاسىنداعى زاڭنامانى بۇزعانى ءۇشىن اكىمشىلىك شارالار قابىلدانادى، سونداي - اق تۇتىنۋشىلار ءۇشىن ءونىمنىڭ تۇپكىلىكتى قۇنى تومەندەيدى»، - دەپ قورىتىندىلادى ول.