الماتى قالاسىنىڭ يندۋستريالىق ايماعىندا وتكەن جىلى ءۇش بىردەي ءىرى ونەركاسىپتىك كاسىپورىن ىسكە قوسىلدى. جوبانىڭ جالپى قۇنى 4,8 ملرد تەگەنى قۇرايدى. بۇل تۋرالى الماتىنىڭ يندۋستريالىق ايماعىنىڭ ديرەكتورى اليشەر ساتىبالديەۆ ايتتى.
بىلتىر الماتى يندۋستريالىق اۋماعىندا «يرريگاتور قازاقستان» جشس-جوعارى قىسىمدى پوليەتيلەننەن، سونداي-اق تومەن قىسىمدى پوليەتيلەننەن جاسالعان پوليەتيلەن قۇبىرلارى مەن تامشى جەلىلەرىن شىعاراتىن، «بسف» جشس-لاك-بوياۋ ونىمدەرىن وندىرەتىن جانە «الەم تىنىسى» جشس اتاۋىمەن سالقىنداتقىش سۇيىقتىقتاردى وڭدەيتىن زاۋىت اشىلعان. ناتيجەسىندە 229 جاڭا جۇمىس ورنى قۇرىلعان بولاتىن. 1 جىلدىڭ ىشىندە الماتىنىڭ يندۋستريالىق ايماعىنداعى كومپانيالار 796,6 ملرد تەڭگەگە ءونىم ءوندىرىپ، 9,2 ملرد تەڭگەگە سالىق تولەدى.
«وڭىرلىك ۇيلەستىرۋ كەڭەسىنىڭ 9 وتىرىسىنىڭ قورىتىندىسى بويىنشا وتكەن جىلى يندۋستريالىق ايماققا قاتىسۋشىلاردىڭ تىزىلىمىنە جالپى جەكە ينۆەستيتسيا سوماسى 305,1 ملرد تەڭگەنى قۇرايتىن جانە 5 933 جاڭا جۇمىس ورنىن قۇراتىن 32 جاڭا كومپانيا ەنگىزىلدى. الماتى يندۋستريالىق ايماعىنا بارلىعى 497,85 ملرد تەڭگەگە جوبالارى بار، 12 398 جۇمىس ورنىن قۇرىپ وتىرعان 91 كومپانيا قاتىسىپ وتىر»-دەدى الىشەر ساتىبالديەۆ.
جالپى ءىرى جوبالار ماشينا جاساۋعا، قۇرىلىس ماتەريالدارىن وندىرۋگە، سونداي-اق ماكۋلاتۋرانى قايتا وڭدەۋگە باعىتتالعان.