جايىق وزەنىنىڭ دەڭگەيى تاعى دا كوتەرىلدى، دەپ حابارلايدى "ادىرنا" ءتىلشىسى.
«قازگيدرومەت» رمك اتىراۋ وبلىسى بويىنشا 23 ساۋىردە ساعات 8-دە گيدرولوگيالىق مونيتورينگ جۇرگىزدى. ناتيجەسىندە باتىس قازاقستان وبلىسى اۋماعىنان كەلەتىن سۋ اعىنىنىڭ سالدارىنان جايىق وزەنىندە كۇندىزگى ۋاقىتتا سۋ دەڭگەيى كوتەرىلگەنى انىقتالدى.
يندەربور كەنتىندەگى جايىق وزەنىنىڭ ولشەۋ ستانساسىندا – سۋ دەڭگەيى شامامەن 587 سم، سۋ دەڭگەيىنىڭ كوتەرىلۋى +5 سم، سۋ تاسقىنى باستالعاننان بەرى جالپى كوتەرىلۋ 364 سم ەكەنى تىركەلگەن. ال ماحامبەت كەنتىندە – سۋ دەڭگەيى 710 سم شاماسىندا، كوتەرىلۋ دەڭگەيى + 4 سم، سۋ تاسقىنى باستالعاننان بەرى جالپى كوتەرىلۋ 393 سم، اتىراۋ قالاسىنداعى ولشەۋ ستانساسىندا 418 سم. دەڭگەيىنىڭ تاۋلىگىنە +6 سم كوتەرىلۋى سۋ تاسقىنىنىڭ باسىنان بەرى 227 سم.
«23 ساۋىردەگى جاعداي بويىنشا، يريكلا سۋ قويماسىنان سۋ توگۋ 252 م³/س»، - دەلىنگەن حابارلامادا.
«قازگيدرومەت» رمك-نىڭ اتىراۋ وبلىسى بويىنشا گيدرولوگيالىق مونيتورينگ دەرەكتەرى بويىنشا قيعاش جانە شارونوۆ ارناسىندا، ەدىل وزەنى الابىندا سۋ دەڭگەيىنىڭ جوعارىلاۋى بايقالاتىنىن مالىمدەدى.
قيعاش جانە شارونوۆ ارنالارىندا سۋ دەڭگەيىنىڭ ودان ءارى كوتەرىلۋى كۇتىلۋدە.
