شىمكەنتتە بولعان جانتۇرشىگەرلىك جول اپاتىنا بايلانىستى سوت شەشىمى شىقتى. 5 ادامنىڭ ولىمىنە الىپ كەلگەن اۆتوبۋس جۇرگىزۋشىسى 5 جىلعا سوتتالدى، دەپ حابارلايدى «ادىرنا» ۇلتتىق پورتالى.
«يۋلداشەۆ ورىن العان ىسكە قاتىستى كىناسى دالەلدەنىپ كەلەسى ۇكىم شىعارىلدى. كۇدىكتى 5 جىلعا باس بوستاندىعىنان ايرىلسىن»،- دەپ ۇكىم شىعاردى سۋديا جانات ءمۇسىرالى.وعان قوسا، سوت شەشىمىنە سايكەس، يۋلداشەۆ 7 جىلعا كولىك تىزگىندەۋ قۇقىعىنان ايرىلدى. كۇدىكتىگە 345-باپتىڭ 4-بولىگى «ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول ءجۇرۋ ەرەجەسىن بۇزۋ» بويىنشا ايىپ تاعىلعان ەدى. ايتا كەتەيىك، 8 ءساۋىر كۇنى س.بايتەرەكوۆ پەن ق.نازاربەكوۆ كوشەسى قيىلىسىندا تىزگىنشىسىز اۆتوبۋس 6 ادامدى قاعىپ كەتكەن بولاتىن. سالدارىنان 3 ادام وقيعا ورنىندا قازا تاپتى. ال 2 تۇرعىن اۋرۋحانادا كوز جۇمعان. اپاتتان ءتىرى قالعان 18 جاسار داريعا سەيداليەۆا قازىر 3 توپ مۇگەدەگى. ول ءالى كۇنگە ەم قابىلداپ جاتىر.
«ادىرنا» ۇلتتىق پورتالى
ۇقساس جاڭالىقتار
