2023 جىلدىڭ باسىنان سولتۇستىك جانە وڭتۇستىك جارتى شارلارداعى كەم دەگەندە 53 ەل مەن اۋماقتا مارجان ريفتەرىنىڭ جاپپاي تۇسسىزدەنۋى تىركەلدى، دەپ حابارلايدى “ادىرنا” ۇلتتىق پورتالى. بۇل تۋرالى ۇلتتىق مۇحيتتىق جانە اتموسفەرالىق اكىمدىك (NOAA) جانە حالىقارالىق كورالل ريفتەرى باستاماسىنىڭ (ICRI) زەرتتەۋشىلەرى ءوز مالىمدەمەسىندە ايتتى.
مارجان ريفتەرىرىڭ تۇسسىزدەنۋى ياعني، اعارىپ كەتۋى تەمپەراتۋرانىڭ، جارىقتىڭ نەمەسە قورەكتىك زاتتاردىڭ وزگەرۋىنە بايلانىستى بولاتىن قۇبىلىس. مارجاندار ۇگىتىلۋگە ۇشىراپ، ولاردىڭ ۇلپالارىندا ءومىر سۇرەتىن بالدىرلار جويىلعاندا دا اتالمىش جاعداي ورىن الادى. بۇل مارجانداردىڭ تولىعىمەن اعارىپ كەتۋىنە اكەپ سوعادى.
بۇعان فلوريداداعى ريفتەر، كاريب تەڭىزى، كوستا-ريكا مەن پاناما ماڭىنداعى شىعىس تروپيكالىق تىنىق مۇحيتى، اۆسترالياداعى ۇلكەن توسقاۋىل ءريفى، وڭتۇستىك تىنىق مۇحيتىنىڭ بولىكتەرى، پارسى شىعاناعى جانە ادەن شىعاناعى كىرەدى، دەيدى زەرتتەۋشىلەر.
بۇل سوڭعى 10 جىلداعى پلانەتاداعى ەكىنشى مارجان ريفتەرىنىڭ تۇسسىزدەنۋى. سوڭعىسى 2017 جىلدىڭ مامىرىندا اياقتالادى. Associated Press اگەنتتىگىنىڭ حابارلاۋىنشا، بۇعان ءۇش جىل بويى الەمدىك مۇحيتتاردىڭ جىلىنۋىنا اكەلەتىن ەل-نينو كليماتتىق مودەلى سەبەپ بولعان.
