باتىس قازاقستان جانە اتىراۋ وبلىستارىنداعى جايىق وزەنىندەگى تاسقىننىڭ ەكىنشى تولقىنى ەرەكشە باقىلاۋدا، دەپ حابارلايدى “ادىرنا” ۇلتتىق پورتالى. بۇل تۋرالى توتەنشە جاعدايلار مينيسترلىگىنىڭ (تجم) وكىلى اسقار ءشارىپ رەسپۋبليكالىق اقپاراتتىق شتابتا وتكەن بريفينگتە مالىمدەدى.
«وڭىرلەردە سۋ تاسقىنىنا قارسى شارالار جالعاسۋدا، ازاماتتارعا حابارلاۋ، سۋ تاسقىنىنىڭ سالدارىن جويۋ جانە ت.ب. باتىس قازاقستان جانە اتىراۋ وبلىستارىنداعى جايىق وزەنىندە رەسەي فەدەراتسياسىنان كەلەتىن تاسقىننىڭ ەكىنشى تولقىنى ەرەكشە باقىلاۋدا. جايىق وزەنىنىڭ سۋ دەڭگەيىنە مونيتورينگ جالعاسۋدا، تۇرعىنداردى حاباردار ەتۋ جانە تەلەراديوداعى حابارلامالار ءار ءتورت ساعات سايىن جۇرگىزىلەدى»، - دەدى اسقار ءشارىپ جەكسەنبىدە.
بايانداماشى اتاپ وتكەندەي، باتىس قازاقستان وبلىسىندا تاۋلىگىنە 81523 قاپ كونتەينەرى مەن 2770 توننا ينەرتتى ماتەريال توسەلىپ، بوگەتتەردى كوتەرۋ جانە نىعايتۋ جۇمىستارى جالعاسۋدا. اتىراۋ وبلىسىندا 824 مىڭ قاپ پەن 2,7 مىڭ توننا ينەرتتى ماتەريال توسەلىپ، 4424 شاقىرىم بوگەت ورناتىلىپ، ولاردى نىعايتۋ جۇمىستارى جالعاسۋدا.
