Batys Qazaqstan jáne Atyraý oblystaryndaǵy Jaıyq ózenindegi tasqynnyń ekinshi tolqyny erekshe baqylaýda, dep habarlaıdy “Adyrna” ulttyq portaly. Bul týraly Tótenshe jaǵdaılar mınıstrliginiń (TJM) ókili Asqar Shárip Respýblıkalyq aqparattyq shtabta ótken brıfıngte málimdedi.
«Óńirlerde sý tasqynyna qarsy sharalar jalǵasýda, azamattarǵa habarlaý, sý tasqynynyń saldaryn joıý jáne t.b. Batys Qazaqstan jáne Atyraý oblystaryndaǵy Jaıyq ózeninde Reseı Federaııasynan keletin tasqynnyń ekinshi tolqyny erekshe baqylaýda. Jaıyq ózeniniń sý deńgeıine monıtorıng jalǵasýda, turǵyndardy habardar etý jáne teleradıodaǵy habarlamalar ár tórt saǵat saıyn júrgiziledi», - dedi Asqar Shárip jeksenbide.
Baıandamashy atap ótkendeı, Batys Qazaqstan oblysynda táýligine 81523 qap konteıneri men 2770 tonna ınertti materıal tóselip, bógetterdi kóterý jáne nyǵaıtý jumystary jalǵasýda. Atyraý oblysynda 824 myń qap pen 2,7 myń tonna ınertti materıal tóselip, 4424 shaqyrym bóget ornatylyp, olardy nyǵaıtý jumystary jalǵasýda.
