باتىس قازاقستان وبلىسى توتەنشە جاعدايلار دەپارتامەنتىنىڭ ماتەريالدىق-تەحنيكالىق بازاسىن نىعايتۋعا 960 ميلليون تەڭگەدەن استام قارجى ءبولىندى، دەپ حابارلايدى “ادىرنا” ۇلتتىق پورتالى «موي گورود» سايتىنا سىلتەپ.
«اعىمداعى جىلى ماتەريالدىق-تەحنيكالىق بازانى نىعايتۋعا وبلىستىق بيۋدجەتتەن 962 ملن تەڭگە ءبولىندى، ءبىر بىرلىك جوعارى وتپەلى اۆاريالىق-قۇتقارۋ ماشينالارى، جەتى بىرلىك تىركەمەلى موتوپومپالار، ءۇش بىرلىك جىلجىمالى موتوپومپالار جانە ت.ب. تىكۇشاق قىزمەتىنە جەرگىلىكتى بيۋدجەتتەن 71 ملن تەڭگە ءبولىندى»، - دەدى باتىس قازاقستان وبلىسى توتەنشە جاعدايلار دەپارتامەنتى مەملەكەتتىك ورتكە قارسى باقىلاۋ باسقارماسىنىڭ باسشىسى مەرەكە جۇماعاليەۆ.
جۇماعاليەۆتىڭ ايتۋىنشا، ءورت قاۋىپتى كەزەڭدە وبلىستا جالپى اۋدانى 7050 گەكتاردى قۇرايتىن 17 تابيعي ءورت جانە 90 تابيعي جانۋ ورىن العان. 2023 جىلمەن سالىستىرعاندا دالا ورتتەرىنىڭ سانى ارتقان.
سونىمەن قاتار، جەرگىلىكتى بيۋدجەتتەن 8,6 ميلليون تەڭگەگە 150 دانا سومكەلىك ءورت سوندىرگىش ساتىپ الۋعا قاراجات قاراستىرىلعانى حابارلاندى.
ايتۋىنشا، وبلىستا بارلىعى 480 ءورت وقيعاسى تىركەلىپ، ونىڭ سالدارىنان ءۇش ادام قازا تاۋىپ، تاعى التى ادام ءتۇرلى دارەجەدەگى جاراقات العان. كەلتىرىلگەن شىعىن كولەمى 473 ميلليون تەڭگەنى قۇرادى.
