ەلىمىزدە اۋقىمدى سۋ تاسقىنىنان زارداپ شەككەن ازاماتتارعا كەلتىرىلگەن زالالدى وتەۋ پروتسەسى جالعاسىپ جاتىر، دەپ حابارلايدى «ادىرنا» ءتىلشىسى ۇكىمەتتىڭ ءباسپاسوز قىزمەتىنە سىلتەمە جاساپ.
اتىراۋ، باتىس قازاقستان، قوستاناي، سولتۇستىك قازاقستان جانە رەسپۋبليكانىڭ باسقا دا بىرقاتار وبلىستارىنىڭ تۇرعىندارى ارنايى قۇرىلعان وڭىرلىك كوميسسيالارعا ءتيىستى وتىنىشتەر بەرەدى. بۇگىنگى تاڭدا 16 343 ءوتىنىش قابىلدانعان.
«19 ساۋىردەگى جاعداي بويىنشا زارداپ شەككەن وڭىرلەردە 2787 وتباسى شامامەن 2,4 ملرد تەڭگە سوماسىنا 100 اەك مولشەرىندە بىرجولعى تولەم الدى. كەلتىرىلگەن ماتەريالدىق شىعىن ءۇشىن وتەماقى كولەمى 565,7 ملن تەڭگەگە جەتتى. بۇل قولداۋ شاراسى 1377 وتباسىن قامتىدى.
بۇگىنگى تاڭدا زارداپ شەككەن وڭىرلەردە 3053 تۇرعىن ءۇي تەكسەرىلىپ، 1807 نىسان بويىنشا باعالاۋ جۇرگىزىلدى.
قازىردىڭ وزىندە 206 وتباسى 254 ملن تەڭگەدەن استام سوماعا جوندەۋ جۇمىستارىن جۇرگىزۋگە تولەم الىپ ۇلگەردى»،—دەلىنگەن حابارلامادا.
ەل پرەزيدەنتى قاسىم-جومارت توقاەۆتىڭ تاپسىرماسى بويىنشا بارلىق زارداپ شەككەن ازاماتقا جان-جاقتى كومەك پەن قولداۋ كورسەتىلەدى.
