Elimizde aýqymdy sý tasqynynan zardap shekken azamattarǵa keltirilgen zalaldy óteý proesi jalǵasyp jatyr, dep habarlaıdy «Adyrna» tilshisi Úkimettiń baspasóz qyzmetine silteme jasap.
Atyraý, Batys Qazaqstan, Qostanaı, Soltústik Qazaqstan jáne respýblıkanyń basqa da birqatar oblystarynyń turǵyndary arnaıy qurylǵan óńirlik komıssııalarǵa tıisti ótinishter beredi. Búgingi tańda 16 343 ótinish qabyldanǵan.
«19 sáýirdegi jaǵdaı boıynsha zardap shekken óńirlerde 2787 otbasy shamamen 2,4 mlrd teńge somasyna 100 AEK mólsherinde birjolǵy tólem aldy. Keltirilgen materıaldyq shyǵyn úshin ótemaqy kólemi 565,7 mln teńgege jetti. Bul qoldaý sharasy 1377 otbasyn qamtydy.
Búgingi tańda zardap shekken óńirlerde 3053 turǵyn úı tekserilip, 1807 nysan boıynsha baǵalaý júrgizildi.
Qazirdiń ózinde 206 otbasy 254 mln teńgeden astam somaǵa jóndeý jumystaryn júrgizýge tólem alyp úlgerdi»,—delingen habarlamada.
El prezıdenti Qasym-Jomart Toqaevtyń tapsyrmasy boıynsha barlyq zardap shekken azamatqa jan-jaqty kómek pen qoldaý kórsetiledi.
