Elımızde auqymdy su tasqynynan zardap şekken azamattarǧa keltırılgen zalaldy öteu prosesı jalǧasyp jatyr, dep habarlaidy «Adyrna» tılşısı Ükımettıŋ baspasöz qyzmetıne sılteme jasap.
Atyrau, Batys Qazaqstan, Qostanai, Soltüstık Qazaqstan jäne respublikanyŋ basqa da bırqatar oblystarynyŋ tūrǧyndary arnaiy qūrylǧan öŋırlık komissiialarǧa tiıstı ötınışter beredı. Bügıngı taŋda 16 343 ötınış qabyldanǧan.
«19 säuırdegı jaǧdai boiynşa zardap şekken öŋırlerde 2787 otbasy şamamen 2,4 mlrd teŋge somasyna 100 AEK mölşerınde bırjolǧy tölem aldy. Keltırılgen materialdyq şyǧyn üşın ötemaqy kölemı 565,7 mln teŋgege jettı. Būl qoldau şarasy 1377 otbasyn qamtydy.
Bügıngı taŋda zardap şekken öŋırlerde 3053 tūrǧyn üi tekserılıp, 1807 nysan boiynşa baǧalau jürgızıldı.
Qazırdıŋ özınde 206 otbasy 254 mln teŋgeden astam somaǧa jöndeu jūmystaryn jürgızuge tölem alyp ülgerdı»,—delıngen habarlamada.
El prezidentı Qasym-Jomart Toqaevtyŋ tapsyrmasy boiynşa barlyq zardap şekken azamatqa jan-jaqty kömek pen qoldau körsetıledı.
