قىرعىزستاندا TikTok جەلىسىن قولدانۋعا تىيىم سالىنعان. بۇل تۋرالى 24.kg سايتى جاريالادى، دەپ حابارلايدى “ادىرنا” ۇلتتىق پورتالى.
الايدا بۇعاتتاۋ ماسەلەسى جەلى قولدانۋشىلارى مەن ساراپشىلار اراسىندا قىزۋ تالقىلانىپ جاتىر.
قىرعىزستاننىڭ ينتەرنەت-پروۆايدەرلەرىنە بايلانىس سالاسىنداعى رەتتەۋ جانە قاداعالاۋ قىزمەتىنەن ەل تەرريتورياسىندا TikTok-قا كىرۋدى شەكتەۋ جانە 18 ساۋىرگە دەيىن جازباشا جاۋاپ بەرۋ تۋرالى حات كەلىپ تۇسكەن.
باق دەرەگىنشە، قولدانۋشىلار الەۋمەتتىك جەلىگە كىرمەك بولعاندا ول قاتىپ قالادى. كەيبىر پروۆايدەرلەر الەۋمەتتىك جەلىگە كىرۋگە ءالى تىيىم سالماعان.
ۆەدومستۆو بىرقاتار ۇكىمەتتىك ەمەس ۇيىمدار بالالاردىڭ پسيحيكالىق دامۋى مەن دەنساۋلىعىنا كەرى اسەر ەتەتىن TikTok الەۋمەتتىك جەلىسىنىڭ زيان اسەرىنە الاڭداپ، وتىنىش بىلدىرۋشىلەر كوبەيگەنىن ايتتى.
سونداي-اق، تيكتوك الەۋمەتتىك جەلىسىنە تىيىم سالسا، شاعىن جانە ورتا بيزنەسكە زاردابىن تيگىزەدى. ولار قىرعىز رەسپۋبليكاسىنداعى ءسوز بوستاندىعى مەن دەموكراتياعا نۇقسان كەلتىرەدى، جاستاردىڭ ءوزىن-ءوزى دامىتۋ مۇمكىندىكتەرىنە شەكتەۋ قويادى دەپ سىنادى.
