Qyrǵyzstanda TikTok jelisin qoldanýǵa tyıym salynǵan. Bul týraly 24.kg saıty jarııalady, dep habarlaıdy “Adyrna” ulttyq portaly.
Alaıda buǵattaý máselesi jeli qoldanýshylary men sarapshylar arasynda qyzý talqylanyp jatyr.
Qyrǵyzstannyń ınternet-provaıderlerine baılanys salasyndaǵy retteý jáne qadaǵalaý qyzmetinen el terrıtorııasynda TikTok-qa kirýdi shekteý jáne 18 sáýirge deıin jazbasha jaýap berý týraly hat kelip túsken.
BAQ dereginshe, qoldanýshylar áleýmettik jelige kirmek bolǵanda ol qatyp qalady. Keıbir provaıderler áleýmettik jelige kirýge áli tyıym salmaǵan.
Vedomstvo birqatar úkimettik emes uıymdar balalardyń psıhıkalyq damýy men densaýlyǵyna keri áser etetin TikTok áleýmettik jelisiniń zııan áserine alańdap, ótinish bildirýshiler kóbeıgenin aıtty.
Sondaı-aq, TıkTok áleýmettik jelisine tyıym salsa, shaǵyn jáne orta bızneske zardabyn tıgizedi. Olar Qyrǵyz Respýblıkasyndaǵy sóz bostandyǵy men demokratııaǵa nuqsan keltiredi, jastardyń ózin-ózi damytý múmkindikterine shekteý qoıady dep synady.
