بۇگىن، 12 ساۋىردە «قازسەلدەنقورعاۋ» «اقساي» سەلدى ۇستاۋ بوگەتىنىڭ قۇرىلىسىنا قاتىستى تۇسىنىكتەمە بەردى، دەپ حابارلايدى «ادىرنا» ءتىلشىسى.
مەكەمە باسشىسى ارمان احمەتوۆتىڭ ايتۋىنشا، الماتىلىقتاردىڭ ومىرىنە قاۋىپ ءتونىپ تۇرعان جوق.
«قازىرگى ۋاقىتتا مورەنالىق كولدەر قىسقى رەجيمدە، كولدىڭ جارىلۋ قاۋپى جوق»،—دەدى ول.
سونداي-اق احمەتوۆ نىساننىڭ قۇرىلىسى توقتاتىلعانىن اتاپ ءوتتى.
«اقساي» سەلدى ۇستاۋ بوگەتىنىڭ ماقساتى — سەل ايماعىندا ورنالاسقان حالىقتىڭ ءومىرىن پەن شارۋاشىلىق نىساندارىن قورعاۋ. قازىرگى ۋاقىتتا مەردىگەر ءوز مىندەتتەمەلەرىن ورىنداماعاندىقتان نىساننىڭ قۇرىلىسى توقتاتىلىپ، ءتيىستى كەلىسىمشارت بۇزىلعان. توتەنشە جاعدايلار ءمينيسترى شىڭعىس ارىنوۆتىڭ باستاماسىمەن قما-عا پروتسەسسۋالدىق شەشىم قابىلداۋ ءۇشىن ءتيىستى ماتەريالداردى تاپسىردىق. سەل قاۋپى ايماعىندا 30 مىڭنان استام ادام بار»،—دەدى «قازسەلدەنقورعاۋ» باسشىسى.
