قازنەتتە ەر ادامنىڭ ايەلدى اياۋسىز ۇرىپ-سوعىپ جاتقان ۆيدەوسى تارادى. بەينەجازبانى جەلىگە «دەتي پود زاششيتوي» قوعامدىق قورىنىڭ جەتەكشىسى جاننا احمەتوۆا جۇكتەدى، دەپ حابارلايدى «ادىرنا» ءتىلشىسى.
وقىس وقيعا الماتىداعى تۇرعىن ءۇي كەشەندەرىنىڭ ءبىرىنىڭ اۋلاسىندا بولعان.
«تاعى ءبىر سالتانات ەسىمدى ايەلدى قۇتقارۋ كەرەك. ول 11 جىلدان كەيىن اجىراسۋعا شەشىم قابىلداعان. كۇيەۋىنەن ارەڭ قۇتىلعان سوڭ بالالارىن الىپ، تارازدان الماتىعا كوشكەن. ەندى ەر ادام ەكس-جۇبايىن اڭدىپ، قايتا ورالۋعا ماجبۇرلەپ وتىر. 1 ساۋىردە Life Town تۇرعىن ءۇي كەشەنىندە ايەلگە شابۋىل جاساپ، تەلەفونىن سىندىرىپ، اياۋسىز ۇرىپ-سوققان. بالالارىنىڭ اناسىن وسىنداي كۇشپەن ۇرۋعا بولا ما؟»—دەپ جازدى بەلسەندى.
بۇل وقيعاعا قاتىستى الماتى قالالىق پوليتسيا دەپارتامەنتى پىكىر ءبىلدىردى. "
«بۇل فاكت بويىنشا تەكسەرۋ جۇرگىزىلدى. جينالعان ماتەريالدار قىلمىستىق جاۋاپكەرشىلىككە تارتۋ ءۇشىن سوتقا جىبەرىلدى»،— دەپ ءتۇسىندىندى پد وكىلدەرى.
بەينەجازبانى كورۋ ءۇشىن سىلتەمەنى باسىڭىز.