قالا ىرگەسىندەگى ء"بىرىنشى داچا" اتالاتىن ساياجايدان ءۇي سالىپ، وسى كەزگە دەيىن الاڭسىز تۇرعان ايدوس جۇماعاليەۆتىڭ وتباسى قارعىن سۋ كەلگەندە باسپاناسىن تاستاپ، ەۆاكۋاتسيالىق پۋنكتكە كوشۋگە ءماجبۇر بولعان.
وتباسى قيىن جاعدايعا تاپ بولعان كەزدە وتاناسى راۋشاننىڭ اي-كۇنى جەتىپ قالعان ەدى. ۋاقىتشا ورنالاسۋ پۋنكتىنە كەلگەن اياعى اۋىر كەلىنشەكتى سول جەردەگى دارىگەرلەر مەن تۇرعىندار باقىلاۋىنا العان. قانشا جەردەن جاعداي جاسالسا دا كۇتىمدى قاجەت ەتەتىن راۋشاننىڭ جاعدايى ەشكىمدى بەي-جاي قالدىرماعان. دارىگەرلەر ەرەكشە كۇتىپ، قالالىق كوپبەيىندى اۋرۋحاناعا جەتكىزگەن.
اي كۇنى جەتىپ، راۋشان نازىم ەسىمدى قىز بوساندى. جۇماعاليەۆتەر وتباسىنىڭ جاعدايىن ەستىگەن وبلىستىق ءماسليحات دەپۋتاتى ازامات بيسەنوۆ راۋشانعا حابارلاسىپ، ەكى ايعا پاتەر جالداعانىن ايتقان.
- جاعدايىمدى ەستىگەن دەپۋتات حابارلاسىپ: ء"سىز كۇتىنۋىڭىز كەرەك. بالا باقىلاۋدا بولعانى جاقسى. سوندىقتان وتباسىڭىز ءۇشىن ەكى ايعا پاتەر جالدادىم",-دەدى. ەل ىشىندە نەشە ءتۇرلى اڭگىمە ءجۇرىپ جاتىر. بىراق ەلىمىز ەۆاكۋاتسيالانعان تۇرعىندارعا بارىنشا جاعداي جاساپ جاتىر،-دەيدى راۋشان تابىنوۆا.
ايدوس پەن راۋشاننىڭ وتباسىندا وسىعان دەيىن شىرىن، نۇردوس، ىڭكار دەگەن بالدار بولسا، ەندى نازىم ەسىمدى قىز كەلدى.
- وتباسىمىزدىڭ جاعدايىن جاساپ، قولداۋىن بىلدىرگەن جاندارعا العىسىمىز شەكسىز. كوپ ۇزاماي ۇيىمىزگە ورالامىز دەگەن ويدامىن،-دەيدى راۋشان.
گۋمانيتارلىق كومەك جيناۋ باستالعالى ەشكىم شەت قالىپ جاتقان جوق. اسىرەسە، ءماسليحات دەپۋتتارى بەلسەندى. وسى كەزگە دەيىن وبلىستىق ءماسليحات دەپۋتاتتارى 12 پاتەرگە مۇمكىندىگى شەكتەۋلى 1 توپ مۇگەدەكتەرى مەن كوپبالالى جۇكتى كەلىنشەكتەردى ۋاقىتشا پاتەرگە ورنالاستىردى.
