بۇگىن توتەنشە جاعدايلار ءمينيسترى شىڭعىس ءارىنوۆ «اقساي» باسسەينىندەگى سەل ۇستايتىن بوگەتتى سالۋ كەزىندە اقشا جىمقىرىلعانىن مالىمدەدى، دەپ حابارلايدى «ادىرنا» ءتىلشىسى.
«تەكسەرۋ جۇمىستارى بارىسىندا مەردىگەردىڭ سەل ۇستايتىن بوگەتتى سالۋ كەزىندە ءوز مىندەتتەمەلەرىن ورىنداماعانى انىقتالدى. ونىڭ سالدارىنان الماتى قالاسىنىڭ 30 مىڭعا جۋىق تۇرعىنىنىڭ ومىرىنە قاۋىپ ءتونىپ تۇر. وسىعان بايلانىستى «قازسەلدەنقورعاۋ» باسشىلىعىنىڭ الدىندا ءتيىستى ماتەريالداردى پروتسەستىك شەشىم قابىلداۋ ءۇشىن قارجى مونيتورينگى اگەنتتىگىنە بەرۋ تۋرالى ماسەلە كوتەرىلدى. الىنعان ناتيجەلەر بويىنشا قما قىلمىستىق ءىس قوزعادى جانە مەردىگەر ۇيىمنىڭ جاۋاپتى تۇلعالارىنا قاتىستى بيۋدجەت قاراجاتىن ۇرلاۋ بويىنشا تەرگەۋ جۇرگىزىلىپ جاتىر»،—دەپ ءتۇسىندىردى مينيستر.
ايتا كەتەيىك، 11 ساۋىردە الماتىدا سەلدەن قورعاۋ بوگەتىن سالعان كومپانيانىڭ 775 ملن تەڭگە جىمقىردى دەپ كۇدىكتەلىپ جاتقانى حابارلانعان بولاتىن.
